ಕಾವ್ಯ ಸಂಗಾತಿ
ಡಾ ಅನ್ನಪೂರ್ಣ ಹಿರೇಮಠ-
ಗಝಲ್
ಬಚ್ಚಿಟ್ಟ ಸಾವಿರ ನೆನಪು ಪ್ರೀತಿಯಲಿ ಹೇಳುವೆನು ಕಿವಿಯಾಗುವೆಯಾ ಒಡೆಯಾ
ಹುದುಗಿದ ಪ್ರೇಮವ ಎಳೆಎಳೆಯಾಗಿ ಒಪ್ಪಿಸುವೆ ಧನಿಯಾಗುವೆಯಾ ಒಡೆಯಾ/
ಕಣ್ಣಂಚಲಿ ನಿಂದು ತುಳುಕುತಿಹ ನೊಂದ ಕಣ್ಣೀರಿನನಿಗಳು
ವಿರಹ ವೇದನೆಯ ಬಿಚ್ಚಿಡುವೆ ಒಪ್ಪಿಸಿಕೊಳ್ಳುವೆಯಾ ಒಡೆಯಾ//
ಜನುಮ ಜನುಮದ ಪ್ರೀತಿಯಿಂದಾಡಿದ ಪಿಸು ಮಾತುಗಳು
ತುಟಿಯಂಚಲಿ ಮನೆಮಾಡಿಹವು ಜೇನಸವಿಯುತ ತನಿಸುವೆಯಾ ಒಡೆಯಾ//
ಮನವು ತಲ್ಲಣದಿ ಕಂಪಿಸುತಿದೆ ತುಂಬಿ ನಿನ್ನ ನೆನಪುಗಳು
ಹೃದಯದ ಭಾರವಾ ಕೆಳಗಿಳಿಸಲು ಕೈಜೋಡಿಸುವೆಯಾ ಒಡೆಯಾ//
ಮಧು ತುಂಬಿದ ಹೂವಂತೆ ನಿನಗಾಗಿ ಕಾತರಿಸುತಿರುವೆ
ಪರಾಗಗಳ ಸ್ಪರ್ಶಿಸುತಲಿ ಹಿತನೀಡಿ ಮಿಡಿತಗಳ ಮೇಳೈಸುವೆಯಾ ಒಡೆಯಾ//
ಸರಸ ಸಲ್ಲಾಪಕೆ ಹಾತೊರೆಯುತ ಸವಿಗಳಿಗೆಗಳಾ ನಿರೀಕ್ಷೆಗಳಲಿ ಕಾದು
ಕಾತರಿಸುತಿರುವೆ ಪ್ರೀತಿ ಪ್ರಲಾಪದಿ ಒಂದಾಗುವೆಯಾ ಗೆಳೆಯಾ//
ಎದೆಗೊರಗಿ ಅತ್ತು ಅನುಳ ಮನವನು ಹಗುರಾಗಿಸುವ ಗಳಿಗೆಗಳು
ಎದುರು ನೋಡಿ ಸೋತಿದೆ ತೋಳಲಿ ಸೆರೆಯಾಗಿಸಿ ಇಟ್ಟುಕೊಳ್ಳುವೆಯಾ ಗೆಳೆಯ//
ಡಾ ಅನ್ನಪೂರ್ಣ ಹಿರೇಮಠ
ವಿರಹಿಯ ವೇದನೆಯ
ವಿರಹಿಯ ವೇದನೆಯು ದನಿಯಾಗಿ ತೊಟ್ಟಿಕ್ಕಿವೆ ಹನಿಹನಿಯಾಗಿ ಗಝಲ್ ನ ಸಾಲುಗಳಲ್ಲಿ…