ಕಾವ್ಯ ಸಂಗಾತಿ
ಡಾ ದಾನಮ್ಮ ಝಳಕಿ
ಕೊರಳ ಕೊಟ್ಟರು ಕುಣಿಕೆಗೆ
ತ್ಯಾಗ ಬಲಿದಾನದ ಬೀಡಿದು
ಕ್ರಾಂತಿಕಿಡಿಗಳ ನಾಡಿದು
ಕೆಚ್ಚೆದೆಯ ಗುಂಡಿಗೆಯದು
ಕೊರಳುಕೊಟ್ಟರು ಕುಣಿಕೆಗೆ
ಸ್ವಾತಂತ್ರ್ಯ ವಿತ್ತರು ಜನತೆಗೆ
ಸುಭಾಸರ ನಡೆ ಸ್ವಾತಂತ್ರ್ಯ ಕಡೆ
ಕೇಳಿದರು ಜನತೆಗೆ ಹನಿ ರಕ್ತ
ಪಡೆವೆನೆಂದರು ಸ್ವಾತಂತ್ರ್ಯ
ಗಾಂಧೀಜೀಯ ಪಡೆ
ಮಾಡು ಇಲ್ಲವೇ ಮಡಿ ಕಡೆ
ಸ್ವರಾಜ್ಯ ನನ್ನ ಜನ್ಮ ಸಿದ್ಧ ಹಕ್ಕು
ತಿಲಕರ ದಿಟ್ಟನಡೆಯ ನುಡಿ
ಭಗತ್ ಸಿಂಗ್ ರ ಕಿಡಿ
ನಡುಗಿಸಿತು ಆಂಗ್ಲರ ಪಡೆ
ಓಡಿಸಿತು ಯುರೋಪಿನ ಕಡೆ
ಬುದ್ಧ ಬಸವರ ನಾಡಲಿ
ಸಮಸಮಾಜದ ಆಶಯದಲಿ
ಕಾಯಕ ದಾಸೋಹ ತತ್ವದಲಿ
ಲಿಂಗಬೇಧ ಅಳಿಸಿ ಹಾಕುತಲಿ
ಕೊರಳಕೊಟ್ಟರು ಕುಣಿಕೆಗೆ
ಚರಿತ್ರೆಯ ಪುಟದಲಿ
ಜ್ಯೋತಿಯಾಗಿ ಬೆಳಗುತಿಹರು
ದೇಶಪ್ರೇಮ ಗಟ್ಟಿಗೊಳಿಸಿ
ಧೀರರಾಗಿ ಮೆರೆಯುತಿಹರು
ಕೊರಳುಕೊಟ್ಟರು ಕುಣಿಕೆಗೆ
ಡಾ ದಾನಮ್ಮ ಝಳಕಿ
About The Author
ಕವನ ಬಹಳ ಉತ್ತಮವಾಗಿದೆ ಸಂಪೂರ್ಣ ಸ್ವಾತಂತ್ರ್ಯ ಸಂಗ್ರಾಮ ಕವಿತೆಯ ಮೂಲಕ ಮೂಡಿಬಂದಿದೆ, ಧನ್ಯವಾದಗಳು ಮೆಡಮ್