ಕಾವ್ಯ ಸಂಗಾತಿ
ಲತಾ ಧರಣೇಶ್
ಸಾಕ್ಷಿ
ಮುಗಿಲೇ ತೂತಾಗಿ ಸುರಿಯುತಿದೆ ನೋಡು ಗುಡಿಸಲ ಮನೆಗೆ ಕಟ್ಟಿದ ಹೊದಿಕೆಯ ಸೂರು
ಕೆಸರೊಳು ಉಸಿರಿನ ನಿರಾಶ್ರಿತರ ಗೂಡು
ಮಳೆ ನೀರ ಜೊತೆಗೂಡಿ ತೊಟ್ಟಿಕ್ಕುತಿದೆ //
ಬದುಕಿನ ಬವಣಿ ದೂರದ ತೀರವೆ
ಕಾಣದ ಮಹಲು ಕಂಡಿಯ ಮನಸ್ಸು
ಮಾಯದ ಮಳೆಯಲಿ ಬಾಳಿನ ಸಮರವೆ
ಹುಟ್ಟುಬಟ್ಟೆ ತಬ್ಬಲಿ ಮನ ನಿಮಿಷದಲಿ//
ನೆಲೆ- ನೆಲ ಜಲದ ಕಣ್ಣು
ಕಟ್ಟಿದ ಮನೆಯು ಕುಸಿದಿದೆ ಕ್ಷಣದಲಿ
ಮಳೆಯ ಆಟಕೆ ಬದುಕೆ ಮಣ್ಣು ಕಸಿದಿದೆ ಒಡಲಿನಾ ಸುಖ ನೆಮ್ಮದಿಯ//
ಆಶ್ರಯ ಬಯಸಿ ನರಳಿದೆ ಜೀವಸಂಕುಲ
ನಿಲ್ಲಿಸು ಮಳೆಯೇ ಈ ರೌದ್ರವತಾರ
ಬದುಕಿನ ಚಿತ್ರಣ ನೋವಿನ ತಲ್ಲಣ
ಉಳಿದಿಲ್ಲ ಧರೆಯಲಿ ನಮ್ಮಯ ಸಾಕ್ಷಿ//
——————————
ಲತಾ ಧರಣೇಶ್
