ಕಾವ್ಯ ಸಂಗಾತಿ
ನಾನೆಷ್ಟು ಕುಬ್ಜ…
ಹಮೀದಾ ಬೇಗಂ ದೇಸಾಯಿ
ಏನೀ ಅದ್ಭುತ ಸೃಷ್ಟಿಯು
ದೇವನ ಲೀಲೆಯು, ವಿಸ್ಮಯವು
ಎತ್ತರದೆತ್ತರ ಅಂಬರಕೆತ್ತರ
ಬಿತ್ತರಿಸುವ ಚಿತ್ತಾರದ ಸಿರಿಯು..
ದೇವನ ಕ್ಯಾನ್ವಾಸ್ ಇದೇನೋ
ಬಿಡಿಸಿದ ಚಿತ್ರಗಳೇಸೋ..
ಆದಿ -ಅಂತ್ಯಗಳ ಲೆಕ್ಕವಿದೇನೋ
ಅನಂತ ಲೋಕದ ದೃಶ್ಯವಿದೇನೋ..
ಮಿನುಗುವ ತಾರೆಗಳೆಷ್ಟೋ
ಹೊಳೆವ ಹಾಲ್ದಾರಿಗಳೆಷ್ಟೋ
ನಿಗೂಢ ಅಂತರಿಕ್ಷದೊಳು
ಅಡಗಿಹ ವೈಚಿತ್ರ್ಯಗಳೆಷ್ಟೋ..
ಮರಗಳು ನಡೆಸುತ ಪೈಪೋಟಿಯ
ಏರಿವೆ ಗಗನವ ಮುತ್ತಿಡಲು
ಅರಿವಾದುದು ನನಗಾಗಲೇ ಮನಕೆ
ಎಷ್ಟು ಕುಬ್ಜ ನಾ ಈ ಜಗಕೆ…!
ಹಮೀದಾ ಬೇಗಂ ದೇಸಾಯಿ
ಸೃಷ್ಟಿಯ ಮಾಯೆಯೆದುರು ಮಾನವನ ಕುಬ್ಜತೆಯನು ಅರ್ಥಪೂರ್ಣವಾಗಿ ಬಿಂಬಿಸಿದ ಪರಿ ಸೊಗಸಾಗಿದೆ.
ಧನ್ಯವಾದಗಳು ಸ್ಪಂದನೆಗೆ
ಹಮೀದಾ ಬೇಗಂ. ಸಂಕೇಶ್ವರ.
ಒಳ್ಳೆಯ ಕವಿತೆ