ಕಾವ್ಯ ಸಂಗಾತಿ
ಹೊಸ ಕಿರಣ
ಸುಧಾ ಪಾಟೀಲ
ಪ್ರೀತಿಯ ಓಲೈಕೆಯಲಿ
ಪ್ರೇಮದ ಗುಂಗಿನಲಿ
ಆಸೆಗಳ ಹೊಂಗನಸಿನಲಿ
ಮನಸಿನ ಹೊಯ್ದಾಟದಲಿ
ಹೊಸ ಕಿರಣ ಕಂಡಿತು
ಅನುಭಂದದ .ಮಂಟಪದಲಿ
ಹಾರೈಕೆಗಳ ಸಂಭ್ರಮದಲಿ
ಏಳು ಬೀಳುಗಳ ಜಗದಲಿ
ನಿರೀಕ್ಷೆಗಳ ಗೊಂದಲದಲಿ
ಹೊಸ ಕಿರಣ ಬೆಳಗಿತು
ಲೆಕ್ಕವಿಲ್ಲದ ಭರವಸೆಯಲಿ
ಆಶ್ವಾಸನೆಗಳ ಸುರಿಮಳೆಯಲಿ
ಗಟ್ಟಿಯಾಗಿ ನಿನ್ನ ಆವರಿಸಿದಾಗ
ಹತ್ತಿರವಾಗಿ ಮುದಗೊಂಡಾಗ
ಹೊಸ ಕಿರಣ ಉಜ್ವಲಿಸಿತು
ಪ್ರೇಮದ ಪರಿಭಾಷೆಯ ತಿಳಿದು
ಭಾಂದವ್ಯದ ಅನುಭೂತಿಯ
ಮೆರೆದು ನೀ ಹತ್ತಿರ ಸೆಳೆದಾಗ
ಬಿಗುಮಾನ ಬಿಟ್ಟು ನಾ ಬಂದು
ಹೊಸ ಕಿರಣ ಪ್ರಜ್ವಲಿಸಿತು
ಹೃದಯದ ಬಡಿತದಲಿ
ಪ್ರತಿಯೊಂದು ಉಸಿರಲಿ
ಪ್ರೇಮದ ಅರಮನೆಯಲಿ
ಹಾಡು ಹಕ್ಕಿಗಳಾದಾಗ
ಹೊಸ ಕಿರಣ ಮಿಂಚಿತು!
ಸುಧಾ ಪಾಟೀಲ
ಅತ್ಯುತ್ತಮ ಕವನ ಮೇಡಂ
ಧನ್ಯವಾದಗಳು ಸರ್ ತಮ್ಮ ಮೆಚ್ಚುಗೆಗೆ
ಮಧುರವಾದ ಭಾವಗಳು… ಸುಂದರ ಕವನ.
ಧನ್ಯವಾದಗಳು ತಮ್ಮ ಅಭಿಪ್ರಾಯಕ್ಕೆ