ಕಾವ್ಯಸಂಗಾತಿ
ಇಮಾಮ್ ಮದ್ಗಾರ
ನಂಗೊತ್ತಿಲ್ಲ
ನಾನು ಹೊಸ್ತಿಲೊಳಗಿನ ಹುಡುಗಿ ನೀನು ಬಾನಬಯಲಿನಹುಡುಗ
ಕದತಟ್ಟಿದ್ದು ನೀನಾ ?
ತೆಗೆದದ್ದು ನಾನಾ ಅಥವಾ ತಟ್ಟಿದ್ದು ತೆಗೆದದ್ದು ಒಟ್ಟಿಗೆ ಸಂಭವಿಸಿದ ಮಾಧುರ್ಯಗಳಾ ?? ನಂಗಂತೂ ಗೊತ್ತಿಲ್ಲ !!
ಆ..ದಿನದಿರುಳಲ್ಲಿ ಇದ್ದದ್ದು ನಾವೇ ಮೂರುಜನ
ನಾನು ನೀನು ಜೊತೆಗೆ
ಬೆಳದಿಂಗಳು !
ಕೊಟ್ಟದ್ದು ನಾನಾ ? ತೆಗೆದುಕೊಂಡಿದ್ದು ನೀನಾ?
ಅಥವಾ ಕೊಟ್ಟದ್ದು ತೆಗೆದುಕೊಂಡದ್ದು ಒಟ್ಟಿಗೆ ಸಂಭವಿಸಿದ ಮಾಧುರ್ಯಗಳಾ ?? ನಂಗಂತೂ ಗೊತ್ತಿಲ್ಲ!
ಇರುವಾರು ಋತುಗಳ ಮಧ್ಯೆ ಶಿಶಿರ ವಿತ್ತೊ ?
ವಸಂತನ ಬಾಣವಿತ್ತೊ ?
ಗ್ರೀಷ್ಮನ ಗಾನವಿತ್ತೊ ?
ಅಥವಾ ವಸಂತ ಶಿಶಿರನ ಮದ್ಯೆ ನಡೆದದ್ದು ಮಾಧುರ್ಯಳ ಒಪ್ಪಂದವಿತ್ತೋ ??
ನಂಗಂತೂ ಗೊತ್ತಿಲ್ಲ !
ಹೊಸ್ತಿಲೊಳಗಿನ ಹುಡುಗಿ ಬಾನಬಯಲಿನೊಂದಿಗೆ ಸಖ್ಯ ಬೆಳೆಸಿದ್ದಾಗಿದೆ
ವಸಂತ ನೊಂದಿಗೆ ರಾಜಿಯಾಗುವಾಗ ಮಾಧುರ್ಯಗಳ ಮಜವೇನಿತ್ತೊ ??
ನಂಗಂತೂ ಗೊತ್ತಿಲ್ಲ !!
