ಮಕ್ಕಳ ವಿಭಾಗ
ಇಂದೇ ಬನ್ನಿ ಶಾಲೆಗೆ
ಡಾ ಅನ್ನಪೂರ್ಣ ಹಿರೇಮಠ
ಬನ್ನಿ ಬನ್ನಿ ಶಾಲೆಗೆ ಬನ್ನಿ
ನಿಮ್ಮೆಲ್ಲರ ನಲಿವಿನ ಹಂದರಕ
ಅಕ್ಷರಗಳು ಅರಳುವ ತೋಟಕ
ವಿದ್ಯಾ ನೀಡುವ ಸರಸ್ವತಿ ದೇಗುಲಕ//
ಗೆಳೆಯರೊಂದಿಗೆ ಪ್ರೀತಿಯಲಿ
ಶಿಕ್ಷಕರೊಂದಿಗೆ ಗೌರವದಲಿ
ಪುಸ್ತಕದೊಂದಿಗೆ ಸ್ನೇಹದಲಿ
ನಲಿಯಲು ಬುದ್ಧಿಯ ವಿದ್ಯಾ ಮಂದಿರದಲಿ
ಬನ್ನಿ ಬನ್ನಿ ಮಕ್ಕಳೇ ಶಾಲೆಗೆ ಇಂದೆ ಬನ್ನಿ//
ನಾನು ನೀನು ಅವನು ಇವನು
ಅವಳು ಇವಳು ಅವರು ಇವರು
ಎಲ್ಲರೂ ನಲಿಯುವ ನಂದನದಲಿ
ಶಾಲೆಯ ಸುಂದರ ತೋಟದಲಿ
ಭೇದಭಾವ ಮರೆತು ಒಂದಾಗಿ ಪರಿಮಳಿಸಲು ಬನ್ನಿ//
ತಪ್ಪು ತಡೆಗಳ ತಿದ್ದಿಕೊಳ್ಳುತ
ಒಪ್ಪು ಓರಣ ಕಲಿಯುತ
ವಿದ್ಯೆಯ ಮಹತಿ ತಿಳಿಯುತ
ಮನದಿ ಅಡಗಿದ ಕತ್ತಲೆ ಕಳೆಯುಲು
ಬನ್ನಿ ಬನ್ನಿ ನಲಿಯಲು ಮಕ್ಕಳೇ ಇಂದೇ ಶಾಲೆಗೆ ಬನ್ನಿ//
ಒಂದೊಂದು ಮೆಟ್ಟಿಲು ಏರುತಲಿ
ಪ್ರಗತಿಯ ನೋಟ ನೋಡುತಲಿ
ಗುರಿಯತ್ತ ಚಿತ್ತ ಇರಿಸುತ
ಸಾಧನೆಯ ಛಲವ ಬಿಡದಲಿ
ಬನ್ನಿ ಸಾಧನೆಯ ಶಿಖರ ಏರುವ ನಂದನಕ//
ಬಾಳುವ ಕಲೆಯನು ಕಲಿಯುದಕ
ನೀತಿ ನಿಯಮ ತಿಳಿಯುದಕ
ಸಂಸ್ಕಾರದ ಕುಲುಮೆಯಲಿ ಮುಳುಗುದಕ
ದೇಶದ ಉತ್ತಮ ಪ್ರಜೆ ಆಗುವುದಕ
ಬನ್ನಿ ಬನ್ನಿ ಮಕ್ಕಳೇ ಇಂದೇ ಬನ್ನಿ ಅಕ್ಷರಗಳ
ತೋರಣ ಕಟ್ಟಿದ ಶಾಲಾ ಮಂದಿರಕ//
ಡಾ ಅನ್ನಪೂರ್ಣ ಹಿರೇಮಠ
ನಿಮ್ಮ ಕಳಕಳಿಗೆ ಅಭಿನಂದನೆಗಳು