ಕಾವ್ಯ ಸಂಗಾತಿ
ಡಾ ಅನ್ನಪೂರ್ಣ ಹಿರೇಮಠ
ನಾ ಕಂಡ ಕನಸು
ನಡುರಾತ್ರಿಲೊಂದು ಕನಸು ಕಂಡಂಗೆ
ಬೆಚ್ಚಿಬಿದ್ದು ಬೆದರಿ ಎದ್ದು ಕುಂತಂಗೆ
ಕಾಣದ್ದು ಕಂಡಂಗೆ ಕೇಳಿದ್ದು ಕೇಳಿದಂಗೆ
ಏನೇನು ಕತೆ ಕಣ್ಮುಂದೆ ನಿಂತಂಗೆ//
ರಾಜರಾ ಒಡ್ಡೋಲಗದಲಿ ನಾನಿದ್ದೆನಂತೆ
ರತ್ನಖಚಿತ ಸಿಂಹಾಸನದಲಿ ಆಸೀನಳಂತೆ
ಬಂಗಾರದ ಕಿರೀಟ ತೊಟ್ಟಿದ್ದೆನಂತೆ
ಆಚೀಚೆ ಚಾಮರವಾ ಬೀಸುತ್ತಿದ್ದಂತೆ//
ರಾಜಗಾಂಭೀರ್ಯದಿ ನಾ ಕುಂತಿದ್ದೆನಂತೆ
ಆಳುಕಾಳು ಪರಿಚಾರಕರು ಸುತ್ತು ನಿಂತಂತೆ
ಒಬ್ಬೊಬ್ಬರಿಗೆ ಒಂದೊಂದು ಕೆಲಸ ಹೇಳುತ್ತಿದ್ದಂತೆ
ಆಜ್ಞೆ ಮಹಾರಾಣಿಯರೆ ಎಂದು ಕೇಳುತ್ತಿದ್ದಂತೆ//
ನನ್ನ ಉಡುಗೆ ತೊಡುಗೆ ಅಪ್ಸರೆಯಂತೆ
ನನ್ನ ಮನವು ಖುಷಿಯಿಂದ ಬೀಗುತ್ತಿದ್ದಂತೆ
ಸ್ವರ್ಗ ಮೂರೇ ಗೇಣು ಇದೆ ಎಂದೆನಿಸಿದಂಗೆ
ತೇಲಾಡುತ್ತಿದ್ದಂತೆ ಸಂತಸದ ಕಡಲಿನಲಿ//
ಮರುಕ್ಷಣವೇ ಕಣ್ಣುಜ್ಜಿಕೊಂಡು ಎದ್ದೆ
ಚಾಪೆಯ ಮೇಲಿದ್ದೆ ಕಣ್ತೆರೆದಾಗ
ಇದ್ದದ್ದೆಲ್ಲ ಒಮ್ಮೆ ಮಾಯವಾದಂಗೆ
ಹೊದ್ದದ್ದು ಕೊಡವಿ ನಡೆದಿದ್ದೆ ಅಡುಗೆ ಮನೆಗೆ//
—————————
ಡಾ ಅನ್ನಪೂರ್ಣ ಹಿರೇಮಠ
ಕನಸುಗಳ ಕಂಡಂತೆ
ಜೀವನವು ಇಲ್ಲವಂತೆ.
ನಿಮ್ಮ ಕವನ ತುಂಬಾ ಸೊಗಸಾಗಿದೆ ಮೇಡಂ.
ಅಭಿನಂದನೆಗಳು.
ರಾಜರ ಒಡ್ಡೋಲಗದಲ್ಲಿ ಇರುವಂತೆ ಕನಸಿನ ಭಾಸವು ಸುಂದರ ♦️♦️♦️♦️♦️
ಶ್ರೀಪಾದ ಆಲಗುಡಕರ
ಪುಣೆ
Difference between aspirations and reality expressed very poetically madam.
ಕಣ್ಮುಚ್ಚಿ ವಿರಮಿಸಿದರೆ ಸಾಕು
ಸುಪ್ತಮನಸ್ಸನ್ನು ಸಪ್ತಸಾಗರದಾಚೆಗೂ
ಕೊಂಡೊಯ್ಯುವ ಕನಸುಗಳ
ರಂಗುರಂಗಿನ ಮಾಯಾಲೋಕ,
ಮೆಲೋಡ್ರಾಮಾ!
ಕಣ್ಣತೆರೆದು ಎಚ್ಚರವಾದರೆ,
ನೆಲದಲ್ಲಿ ಚಾಪೆ, ಕೌದಿಯ
ಮೇಲೊದ್ದು ಮಲಗಿರುವ ವಾಸ್ತವ!
ಕವಿತ್ರಿ ಡಾ|| ಅನ್ನಪೂರ್ಣ ಹಿರೇಮಠ ಇವರಿಗೆ ಧನ್ಯವಾದಗಳು.
ಸೊಗಸಾಗಿದೆ