ಕಾವ್ಯ ಸಂಗಾತಿ
ಹನಿಬಿಂದು
ದಶಕ
ರಾಜ ರಾಣಿ ಆಗಬೇಕು ಎಂಬ ಕನಸು ಮನದಲಿ
ರಾಜ ತಾನು ಅಲ್ಲವಾದ್ರೂ ರಾಣಿ ಬೇಕು ಬಾಳಲಿ
ರಾಣಿ ಆಗೋ ಹಂಬಲವು ಸದಾ ಇರಲಿ, ಸಹಜ
ಬಾಳು ಸವೆಸ ಬೇಕಿರುವುದು ಇದ್ದುದರಲ್ಲೇ ನಿಜ!
ಅವರು ಇವರು ಹೇಗಿರಲಿ ನಮಗೆ ಏನು ಜಗದಲಿ?
ಸುಖ ಸಂತೋಷವ ನಿತ್ಯ ನಾವು ಕಾಯಬೇಕು ಬಾಳಲಿ
ಪರರ ಚಿಂತೆಗಿಂತ ಮುಖ್ಯ ಸ್ವಂತ ಬದುಕು ನಮ್ಮದು
ಶಾಂತಿಯಿಂದ ಕಳೆಯಬೇಕು, ಎಂದೂ ಕ್ಷಣವು ನಿಲ್ಲದು.
ಆಚೆ ಮನೆಯ ಜನರ ಕಡೆಗೆ ದೃಷ್ಟಿ ಬೀಳದಿರಲಿ
ನಮ್ಮ ಬದುಕು ಎಂದೂ ಹೀಗೆ ಹಾಳಾಗದೆ ಇರಲಿ.
