ಈರಪ್ಪ ಬಿಜಲಿ ಮಕ್ಕಳ ಕವಿತೆ

ಮಕ್ಕಳ ಕವಿತೆ

ಪುಟ್ಟಿಯ ಹೊಂಗನಸು

ಈರಪ್ಪ ಬಿಜಲಿ

ಕಣ್ಣನು ಮುಚ್ಚಿ ಮನಸನು ಬಿಚ್ಚಿ
ಪುಟ್ಟಿಯು ಕನಸಲಿ ತೇಲಿದಳು|
ರೆಕ್ಕೆಯ ಕಟ್ಟಿ ಕೈಯನು ತಟ್ಟಿ
ಚಂದಿರನಂಗಳ ಸೇರಿದಳು ||೧||

ಪಳಪಳ ಮಿನುಗೊ ತಾರೆಯ ಕಂಡು
ಹಿರಿಹಿರಿ ಮನದಲಿ ಹಿಗ್ಗಿದಳು |
ಚಲಿಸುವ ಬೆಳ್ಳಿ ತಟ್ಟೆಯ ಕಂಡು
ಪುಟ್ಟಿಯು ಮುಟ್ಟಲು ನುಗ್ಗಿದಳು ||೨||

ಮೆಲ್ಲಗೆ ಚಂದ್ರ ಬಳಿಯಲಿ ಬಂದು
ಪುಟ್ಟಿಗೆ ಮುತ್ತನು ಕೊಟ್ಟಿಹನು
ಮಲಿಗೆ ಹೂವು ಅರಳಿದ ಹಾಗೆ
ಪುಟ್ಟಿಯ ವದನವು ಹೊಳೆದಿತ್ತು ||೩||

ನಿಗೂಢ ಗಗನ ವಿಷ್ಮಯ ತಾಣ
ಅಂತಃರಿಕ್ಷೆಯ ಈ ಪಯಣ
ಜೇಡರ ಬಲೆಯ ಮಾದರಿ ನೆಲೆಯು
ಗ್ರಹ ಉಪಗ್ರಹ ಸಂಚಲನ ||೪||

ರಾಕೆಟ್ ಬಂದು ಅಪ್ಪಳಿಸಿದಂತೆ
ಬಾಸವಾಯಿತು ಈ ಪುಟ್ಟಿಗೆ
ಚಿಟ್ಟನೆ ಚೀರಿ ಮೈಕೊಡವಲು
ಪುಟ್ಟಿಯು ಇಳಿದಳೀ ಧರಣಿಗೆ ||೫||

---