ಕಾವ್ಯಸಂಗಾತಿ
ಡಾ.ರೇಣುಕಾತಾಯಿ
ಗಜಲ್
ನೆನಪುಗಳು ನೆನಪಿಸಲು ಆಗುತ್ತಿಲ್ಲ ಗುಳೆ ಹೋಗಿದ್ದಾವೆ
ಕೆನ್ನೆಗಳು ರಂಗೇರಲು ಸಿದ್ಧವಾಗಿಲ್ಲ ಗುಳೆ ಹೋಗಿದ್ದಾವೆ//
ಒಡಲ ನೋವು ನುಂಗಲಾಗದೆ ನುಗ್ಗಾಗಿದ್ದೇನೆ
ಮಡಿಲ ತುಂಬಲು ಮಮತೆಯಿಲ್ಲ ಗುಳೆ ಹೋಗಿದ್ದಾವೆ//
ಬಾಳದಾರಿಯ ಬಿಸಿಲಲಿ ನೆರಳಿಗಾಗಿ ಕಾಯುತ್ತಿದ್ದೇನೆ
ನೆಮ್ಮದಿಯೂ ಕಾಣಲು ಸಿಗುತ್ತಿಲ್ಲ ಗುಳೆ ಹೋಗಿದ್ದಾವೆ //
ಹನಿಯೊಡೆವ ಮೋಡದಲಿ ಆಸೆಗಳ ಗುಡುಗು ಸಿಡಿಲು,
ಬಿರುಸಾದ ಮುಗಿಲು ಹನಿಸುತಿಲ್ಲ ಗುಳೆ ಹೋಗಿದ್ದಾವೆ //
ತಾಯಿಬಳ್ಳಿ ಮರುಕಗಟ್ಟಿ ಮುದುಡಿ ಮಲಗಿದೆ
ಕರುಳು ಕೂಸುಗಳು ಕಾಣುತ್ತಿಲ್ಲ ಗುಳೆ ಹೋಗಿದ್ದಾವೆ//
