ತುಮುಲ
ಬಿ.ಎಸ್.ಶ್ರೀನಿವಾಸ್
ಬಿಟ್ಟು ಬಿಡಬೇಕು ಬಗ್ಗಡದ ನೀರನ್ನು
ತನ್ನಷ್ಟಕ್ಕೆ ತಾನೇ ತಿಳಿಯಾಗಿ
ಪ್ರತಿಬಿಂಬ ತೋರಿಸುವವರೆಗೂ
ಹರಿಯಬಿಡಬೇಕು ಯೋಚನೆಗಳ
ಕಡಿವಾಣವಿಲ್ಲದ ಕುದುರೆಯನ್ನು
ಓಡಲಾಗದೆ ತಾನೇ ನಿಲ್ಲುವವರೆಗೂ
ಸುರಿಸಿಬಿಡಬೇಕು ಕಂಬನಿ
ಮನದ ಬೇಗುದಿಯೆಲ್ಲ ಕರಗಿ
ಶಾಂತಿ ನೆಲೆಸುವವರೆಗೂ
ನಡೆದು ಹೋಗಲಿ ಪ್ರಳಯ
ಪರಶಿವನ ತಾಂಡವ ನೃತ್ಯ
ಭ್ರಮೆಗಳೆಲ್ಲ ಭಸ್ಮವಾಗುವವರೆಗೂ
ಕರಗಿದಾ ಕತ್ತಲಲಿ
ಬಸವಳಿದ ಮೈಮನಕೆ
ಗಾಢನಿದ್ರೆಯು ಆವರಿಸಬೇಕು
ಮುಂಜಾನೆ ಹಕ್ಕಿ ಚಿಲಿಪಿಲಿ
ಅರುಣೋದಯ ರಾಗದಲಿ
ಹೊಸಬೆಳಕು ಮೂಡಬೇಕು
********
About The Author
ಧನ್ಯವಾದ ಮಧುಸೂದನ್ ಅವರೇ.
ಧನ್ಯವಾದ ಸಂಗಾತಿ ಬಳಗ
ಪದ್ಯ ಬದುಕಿನ ಪಾಠ ಕಲಿಸುವುದಲ್ಲದೆ ಚೆನ್ನಾಗಿ ಮೂಡಿ ಬಂದಿದೆ
Ella Kavanagalu chennagive. Hearty congrats and good wishes.
Congratulations. Very nice expression. Very good poem