ಕಾವ್ಯ ಸಂಗಾತಿ
ಗಜಲ್
ಶಂಕರಾನಂದ ಹೆಬ್ಬಾಳ
ಬರೆದ ಗೀತೆಗೆ ರಾಗವನು ನೀಡಲಿಲ್ಲ ನೀನು
ಮರೆತ ಹೃದಯಕ್ಕೆ ಒಲವನು ಬೇಡಲಿಲ್ಲ ನೀನು
ಆಡಿದ ದಿನಗಳು ಮನದಿ ಮರೆಯಾದವೆ ಸಖಿ
ನೋಡಿದ ಕ್ಷಣದಿ ಪ್ರೀತಿಯಲಿ ಕಾಡಲಿಲ್ಲ ನೀನು
ತಾಳ ಲಯಕ್ಕೆ ಹೊಂದಾಣಿಕೆ ತಪ್ಪಿ ಹೋಯಿತೆ
ನಾಳಿನ ಬದುಕಲಿ ಸ್ಥಿರವಾಗಿ ಮೂಡಲಿಲ್ಲ ನೀನು
ಏಳು ಬೀಳಿನಲಿ ಜೊತೆಗೆ ಇರುವೆನೆಂದು ಹೇಳಿದೆ
ಗೋಳಿನ ಜೀವನ ಕಣ್ಣೆದುರು ನೋಡಲಿಲ್ಲ ನೀನು
ವಿರಹದುರಿ ಅಭಿನವಗೆ ಅವಿರತ ಬೆನ್ನು ಹತ್ತಿತಲ್ಲ
ತೊರೆದು ಹೊರಟ ಜೀವವನು ಕೂಡಲಿಲ್ಲ ನೀನು
About The Author
