ತೋಳ ಉಯ್ಯಾಲೆ
ಶಾಂತಾ ಜೆ ಅಳದಂಗಡಿ
![](https://sangaati.com/wp-content/uploads/2020/02/fa7e3937-26d0-4c38-bb2e-5df85cca07cf.jpg)
ತೋಳ ಉಯ್ಯಾಲೆ
ಅಂದದ ಸುಂದರ ಬಂಧುರ ಭಾವದ
ಕವಿತೆಯ ಬರೆದನು ನನ್ನೀ ಬಾಳಿನ ಪುಟದಲ್ಲಿ
ಕಾವ್ಯದ ನವ್ಯತೆ ಬಲು ನಾವೀನ್ಯತೆ
ಬೆಳಗಿತು ನನ್ನಯ ಹೃದಯದ ಹಣತೆ
ಚೆಲ್ಲುವೆ ನನ್ನವ ನಡೆಯುವ ಹಾದಿಗೆ
ಘಮ ಘಮ ಅನ್ನುವ ಮನಸ್ಸಿನ ಮಲ್ಲಿಗೆ
ತೋಳ ಉಯ್ಯಾಲೆ ಪ್ರೇಮದೆ ಕಟ್ಟುವೆ
ಜತೆಯಾಗಿ ಕುಳಿತು ಜೋಕಾಲಿ ಆಡುವೆ
ಸ್ವರ್ಗವೆ ಇರಲಿ ನರಕವೆ ಬರಲಿ
ಹೂವು ನಾರಿನ ಬಂಧವು ಬೆಸೆಯಲಿ
******