ಕಾವ್ಯಯಾನ
ಬ್ರಹ್ಮ ಪುಷ್ಪವು…… ನೀನಾಗು
ಯಮುನಾ. ಕಂಬಾರ
ಅರಿವನು ತಿಳಿಸುವ
ಭವದುರಿ ಅಳಿಸುವ
‘ಮನ ಮೆಚ್ಚುವ ಗುರು ‘ ನೀನಾಗು
ಕಾಯದ ಮೋಹದ
ಬಲೆಯನು ಮೀರಿ
‘ ನಡೆಯುವ ಕಾವಿ ‘ ನೀನಾಗು
ಬೀದಿಯ ಹೂಗಳು
ಬಾನಿನ ಚುಕ್ಕೆಯು
‘ಹೊಗಳುವ ತಪಸ್ವಿ’ ನೀನಾಗು
ಬಣ್ಣದ ಮೋಹಕೆ
ಜಾರದ ಜೀವ
‘ತ್ಯಾಗ ಯೋಗಿ ‘ ನೀನಾಗು
ಕೆರೆಯ ನೀರನು
ಕೆರೆಗೆ ಚೆಲ್ಲಿ
‘ಬರಿಗೈ ಭಕ್ತ ‘ ನೀನಾಗು
ಅನ್ನ ಅಕ್ಶರ
ಭಕ್ತಗೆ ನೀಡುವ
‘ತ್ರಿವಿಧ ದಾಸೋಹಿ ‘ನೀನಾಗು
ಮನದ ಕಾಳವ
ಪರಿ ಪರಿ ಸುಟ್ಟು
‘ಅರಳುವ ಕಲ್ಲು’ ನೀನಾಗು
ಬಗೆ ಬಗೆ ಬಣ್ಣದ
ಹೂವಲಿ ಅರಳಿದ’
ಬ್ರಹ್ಮ ಪುಷ್ಪವು ‘ ನೀನಾಗು
——————-
ಅನುಭಾವ ದೆತ್ತರ ದ ಕವಿತೆ
ಧನ್ಯವಾದಗಳು ಸರ್
ಯಮುನಾ