ಏಕೆ ಕಾಡುವೆ
ಶಾಂತಾ ಜೆ ಅಳದಂಗಡಿ
ಏಕೆ ಕಾಡುವೆ
ಮಾರುದ್ದ ಒಲವಿನೋಲೆ ಬರೆದು
ಹೃದಯದೊಳಗೆ ನನ್ನ ಸೆಳೆದು
ತಡವಿಲ್ಲದೆ ತಾಳಿಯ ಬಿಗಿದು
ದೂರವಾದೆ ಬಾಳಿಗಂತ್ಯ ಬರೆದು
ಮುಗ್ಗರಿಸಿ ಸಾಗಿದೆ ನನ್ನ ಬದುಕಿಂದು
ಗಾಲಿಕಳಚಿದ ಗಾಡಿ ಈ ಬಾಳು
ಕಣ್ಣೆವೆಯಲೆ ಕುಳಿತು ಕಾಡುವೆ ನನ್ನ
ಅಳಿಸಲಾಗದ ಪ್ರೇಮಬರಹ ಬರೆದು
ಹೂ ದುಂಬಿಗಳ ಒಲವಿನಾಟದಿ
ಕಾಣುವೆ ನನ್ನ ನಿನ್ನ ಅನುಬಂಧ
ಏಕೆ ಸರಿದೆ ನೇಪಥ್ಯಕೆ ಅವಸರದೆ
ಮನೋಮಂದಿರಕೆ ಒಡೆಯನಾಗಿದ್ದೆ
ದಿಗಂತದಾಚೆಗಿರುವೆ ನನ್ನ ನಿರೀಕ್ಷೆಯಲ್ಲಿ
ಬಂದೇ ಬರುವೆ ಅತಿಶೀಘ್ರದಲ್ಲಿ
ರಕ್ತಧಮನಿಗಳೆ ಬಿರಿವಂಥ ಓಲೆಬರೆದೆ
********
