ಕಾಫಿಯಾನ ಗಜಲ್

ಕಾವ್ಯ ಸಂಗಾತಿ

ಕಾಫಿಯಾನ ಗಜಲ್

ನಯನ. ಜಿ. ಎಸ್

ಕಂಗಳೆರಡರ ಸ್ವೇಚ್ಛೆಗೆ ದಿವ್ಯಸ್ವಪ್ನಗಳ ಹಸಿವು
ಮೊಗೆದ ನೆನಪುಗಳಲೇ ಕಡು ವ್ಯಥೆಗೆ ಕಾವು

ವರ್ಷಿಸಿದ ಭಾವವೃಷ್ಟಿಗೆ ಹಗಲಲೇ ಹರಣ
ತಲ್ಲಣಗಳ ಮಂಜರಿಯಲಿ ಮನಕೆ ನೋವು

ಬೊಗಸೆ ಬಯಕೆಗೆ ನಿರ್ಲಿಪ್ತತೆಯಲಿ ನಂಟು
ನಲುಗುವ ಅಸುವಿನಲಿ ಹಿಮ್ಮೆಟ್ಟಿದೆ ಛಲವು

ತುಡಿತಕೆ ಮನ ಮಿಡಿದರಷ್ಟೇ ಸೌಖ್ಯ ಗಾಲಿಬ್
ಒಲ್ಲದಿಹ ಭಾವದಲೆಯಲಿ ದುಃಖತಪ್ತ ಬಲವು

ಹಿತ ಮಾಧುರ್ಯವ ಅರಸುತಿವೆ ನಯನಗಳು
ಮಿಂಚ್ಮಿಂಚಿ ಮಸುಕಾಗುತಿವೆ ನವ್ಯಕ್ಷಣಗಳ ಚೆಲುವು

---