ಕಾವ್ಯ ಸಂಗಾತಿ
ಮುಂಗಾರಿನ ಸೊಬಗು
ಜಯಲಕ್ಷ್ಮಿ ಎಂ ಬಿ
ಮಾಘ ಮಾಸವು ಬಂದಿಹುದು
ಮನಕೆ ಸಂತಸ ತಂದಿಹುದು
ಬೀಜ ಬಿತ್ತುವ ಕೆಲಸದಲಿ
ಕಷ್ಟ ನೋವನು ಮರೆಯುತಲಿ
ಹಸಿರು ಇಳೆಯೊಳು ನಳನಳಿಸಿ
ಪ್ರಕೃತಿ ಮಾತೆಯು ಕಂಗೊಳಿಸಿ
ಪರ್ವಕಾಲದ ಋತುಮಾನ
ಹರಡಿ ಚೆಲ್ಲಿದೆ ಸವಿಗಾನ
ಜೀವಸಂಕುಲ ಸಂತಸದಿ
ಶುಭದ ಸಿಂಚನ ಮನುಕುಲದಿ
ತಳಿರು ತೋರಣ ಕಟ್ಟಿಹುದು
ಖುಷಿಯ ಸೊಬಗನು
ಹರಡಿಹುದು
ಸುಖದ ಸಿಂಚನ ಹರಿಸುತಲಿ
ಹೊಸತು ಜೀವನ ಸಾಗುತಲಿ
ಹಸಿರು ಸೀರೆಯ ಸೊಬಗಸಿರಿ
ಪುಷ್ಪ ರಾಶಿಯ ವನದಗರಿ
ಇಳೆಯು ನಗುತಲಿ ಮೆರೆದಿಹಳು
ಹೊಸದು ಚೇತನ ತಂದಿಹಳು
ಸವಿಯ ಗಾನದ ಸ್ವಾಗತವು
ಬದುಕೆ ಅರಿವಿನ ಹೂರಣವು
About The Author
