ಕಾವ್ಯ ಸಂಗಾತಿ
ಗಜಲ್
ವೇಣು ಜಾಲಿಬೆಂಚಿ
ಚಿತ್ತಾಗುವ ಇಲ್ಲ ಪತ್ತಾಗುವ ಹೃದಯವೂ ಅಲ್ಲ ನಿನ್ನದು
ಹೆಚ್ಚಾಗುವ ಇಲ್ಲ ಕಮ್ಮಿಯಾಗುವ ಹೃದಯವೂ ಅಲ್ಲ ನಿನ್ನದು
ಮುಚ್ಚಿದ ಮನೆಯ ಬಾಗಿಲ ಮುಂದೆ ಕೋಗಿಲೆಯೂ ಇಲ್ಲ
ಹೆದರಿಸುವ ಇಲ್ಲ ಬೆದರಿಸುವ ಹೃದಯವೂ ಅಲ್ಲ ನಿನ್ನದು
ತಾಜಮಹಲು ಪ್ರೀತಿ ಸಂಕೇತ ಅಳಿಯದುಳಿದಿದೆ ಪ್ರೀತಿಗೆ
ವಿಷವುಣಿಸುವ ಇಲ್ಲ ವಿಷಬೆರೆಸುವ ಹೃದಯವೂ ಅಲ್ಲ ನಿನ್ನದು
ಒಂದೇ ಕೋಲಿನಿಂದ ಇತಿಹಾಸ ರಚಿಸಿದ ಮಹಾತ್ಮರಿಲ್ಲಿ
ಕಣ್ಮುಚ್ಚಿಸುವ ಇಲ್ಲ ಬೆನ್ನಿಗಿರಿಯುವ ಹೃದಯವೂ ಅಲ್ಲ ನಿನ್ನದು
ಡೊಳ್ಳು ಹೊಟ್ಟೆಯ ಮೇಲೆ ಕೈಯಾಡಿಸಿದರಾಗದು ಕ್ರಾಂತಿ
ಜಾಲಿ ಮುಂದೆ ನುಗ್ಗುವ ಇಲ್ಲ ಹಿಂದೆ ಸರಿಯುವಹೃದಯವೂ ಅಲ್ಲ ನಿನ್ನದು
ವೇಣು ಜಾಲಿಬೆಂಚಿ