ಕಾವ್ಯ ಸಂಗಾತಿ
ತೀರವಿರದ ಕಡಲು
ಅರುಣ ನರೇಂದ್ರ
ಬೆಳಕಿನ ಬಿಂದುಗಳು
ಕಣ್ಣಿಗೆ ಕತ್ತಲೆ ಬರಿಸುವ
ಆಟ ಸಾಕು ಬಿಡು
ಬೇಕಾದರೆ ಬೆಳಕನ್ನೆ
ಕುಡಿಯೋಣ
ನೀನಿಲ್ಲದಿದ್ದರೆ ಹಗಲಿಗೂ ವ್ಯಥೆ
ಕಣ್ಣಿಗೆ ಬಟ್ಟೆ ಕಟ್ಟಿಕೊಳ್ಳುತ್ತದೆ
ನೀನಿಲ್ಲದಿದ್ದರೆ ಬೆಳಕಿನ ಕಣ್ಣೆಗೂ
ಕತ್ತಲೆ ಕವಿಯುತ್ತದೆ
ಕತ್ತಲೆಗೆ ಕದಯಿಕ್ಕಿ
ಹೊರನಡೆದ ನೆನಪುಗಳು
ಮಿಂಚು ಹುಳುಗಳ
ಬೆನ್ನುಹತ್ತಿವೆ
ಮನೆಯ ಹೊರ ಒಳಗೆ
ಝಗಮಗಿಸುತ್ತಿವೆ
ನೂರಾರು ದೀಪ
ನೀನು ದೇವರ ಮುಂದೆ
ದೇದೀಪ್ಯಮಾನವಾಗಿ ಬೆಳಗುವ
ನಂದಾದೀಪ
ಅರುಣಾ ನರೇಂದ್ರ
