ಕಾವ್ಯಯಾನ
ರೆಕ್ಕೆಗಳ ಹರವಿದಷ್ಟು ಕಂಬನಿ
ಅಶೋಕ ಹೊಸಮನಿ
ದೃಷ್ಟಿ ದೃಷ್ಟಿಯನೆದುರಿಸುವುದು ಸುಲಭದ ಮಾತಲ್ಲ ಸಖಾ
ಎರಡೇ ಎರಡು ಹೆಜ್ಜೆಗಳ ಪ್ರೇಮ
ಆತ್ಮಗಳ ಅನಂತ ಬಿಕ್ಕು
ದೇವರು ದೇವರನೆದುರಿಸುವುದು ಸುಲಭದ ಮಾತಲ್ಲ ಸಖಾ
ತೀರಿ ಹೋದವು ಅದೆಷ್ಟೋ ನದಿಗಳು
ಕಣ್ಮರೆಯಾದರು ಕಡು ತೀರದಷ್ಟು ಸೂರ್ಯ,ಚಂದ್ರರು
ಮುಸ್ಸಂಜೆ ಮುಸ್ಸಂಜೆಯನೆದುರಿಸುವುದು ಸುಲಭದ ಮಾತಲ್ಲ ಸಖಾ
ಸುಟ್ಟ ನೆತ್ತರಿನಲಿ
ಬೆಂದ ಕನಸುಗಳ ಮೇಳವು
ಖಡ್ಗ ಖಡ್ಗವನೆದುರಿಸುವುದು ಸುಲಭದ ಮಾತಲ್ಲ ಸಖಾ
ಎತ್ತರಕ್ಕೇರಿಸುವಾಗಲೂ ಪ್ರೀತಿ
ಉಕ್ಕೀತು ಶಾಂತಿಯ ಬಾವುಟವು
ಸಖಾ
ರೆಕ್ಕೆಗಳ ಹರವಿದಷ್ಟು ಕಂಬನಿ
ತಾಕಿದಷ್ಟು ಒಡನಾಡಿ ನೋಟಗಳು
ಹಾದಿಗೊಂದಿಷ್ಟು ಕೋರಿಕೆಯೂ
