ಕವಿತೆ
ಹೀಗಾದಾಗ
ಎಂ. ಆರ್. ಅನಸೂಯ
ಅರ್ಥ ಕಳೆದುಕೊಂಡಾಗ ಮಾತುಗಳು
ಬೇಕೆನಿಸುವುದು ಮೌನ
ನಂಬಿಕೆ ಕಳೆದುಕೊಂಡಾಗ ಸಂಬಂಧಗಳು
ಆಪ್ತವೆನಿಸುವುದು ಏಕಾಂಗಿತನ
ಕಂಡಾಗ ಕೂಡಿ ಕಳೆವ ಲೆಕ್ಕದ ಪ್ರೀತಿಯ
ನಿರ್ಲೀಪ್ತವಾಗುವುದು ಮನ
ಬಂಧಿಸತೊಡಗಿದಾಗ ಬಾಳಬಂಧನಗಳು
ಕಳಚಬೇಕೆನಿಸುವುದು ವ್ಯಾಮೋಹ
ಹುಸಿಯಾದಾಗ ಬಯಸಿದ ನಿರೀಕ್ಷೆಗಳು
ನೀರಸವೆನಿಸುವುದು ಜೀವನ
ವ್ಯರ್ಥವೆನಿಸಿದಾಗ ಅಪಾತ್ರ ದಾನ
ಬಯಸಬಾರದೆನಿಸುವುದು ಪ್ರತಿಫಲವನ್ನ ಬದುಕುವಾಗ ಗೋಸುಂಬೆಯಂಥವರ ನಡುವೆ
ಸಂಕೀರ್ಣವೆನಿಸುವುದು ಬದುಕು
ದೂರಸರಿದಾಗ ನನ್ನವರಂದು ತಿಳಿದವರೇ
ತಪ್ಪೆನಿಸುವುದು ಹಾಗೆ ಭ್ರಮಿಸಿದ್ದು
ಅರಿತು ಗಟ್ಟೆಯಾಗುವಲ್ಲಿ
ಬದುಕಿನ ಹೋರಾಟದ ಉತ್ಕಟ ಕ್ಷಣಗಳಲಿ
ನನಗೆ ನಾನೇ ಎಂಬುದನು
ಕೈ ಜಾರಿಹೋಗಿ ನಿಂತಿದೆ ಬದುಕಿನ ಬಹುಪಾಲು
****************
.
