ಗಜಲ್
ಎ.ಹೇಮಗಂಗಾ
ನಿನ್ನ ಕಟುನುಡಿಗಳ ಸಹಿಸಿ ನಿಲ್ಲಬಲ್ಲ ಧೈರ್ಯವಿದೆ ನನ್ನಲ್ಲಿ
ನಿನ್ನ ವಂಚನೆಗಳ ಪ್ರತಿಭಟಿಸಬಲ್ಲ ಧೈರ್ಯವಿದೆ ನನ್ನಲ್ಲಿ
ಮೊಗದಲ್ಲಿ ತೋರಿಕೆಯ ನಗು ವಿಷಪೂರಿತ ಮನಸು
ನೆಲ ಕುಸಿದರೂ ಮೇಲೇಳಬಲ್ಲ ಧೈರ್ಯವಿದೆ ನನ್ನಲ್ಲಿ
ಮೂಲೆ ಸೇರಿ ನೋವುಗಳ ನೆನೆದು ಬಿಕ್ಕಳಿಸಿ ಅಳಲಾರೆ
ಸಂಕಷ್ಟದ ಕಡಲ ಈಜಿ ದಡ ಸೇರಬಲ್ಲ ಧೈರ್ಯವಿದೆ ನನ್ನಲ್ಲಿ
ತಪ್ಪುಗಳು ನಿನ್ನವಾದರೂ ನಿತ್ಯ ದೂಷಿಸಿ ನರಳಿಸಿದೆ
ದೃಢ ಸಂಕಲ್ಪದಿ ಗಟ್ಟಿಯಾಗಬಲ್ಲ ಧೈರ್ಯವಿದೆ ನನ್ನಲ್ಲಿ
ಹೆಣ್ಣು ಅಬಲೆ ಎಂಬುದು ಇನ್ನಾದರೂ ಹುಸಿಯಾಗಬೇಕಿದೆ
ತುಳಿದರೂ ಗರಿಕೆಯಂತೆ ನೆಟ್ಟಗಾಗಬಲ್ಲ ಧೈರ್ಯವಿದೆ ನನ್ನಲ್ಲಿ
*************
ಹೇಮಗಂಗಾ ಅವರೆ ಗಜಲ್ ಸೊಗಸಾಗಿದೆ, ಮಹಿಳೆ ಅಬಲೆ ಅಲ್ಲ ಸಬಲೆ ಎಂಬ ದ್ವನಿ ನೀಡುವ ಗಜಲ್ ಚನ್ನಾಗಿದೆ
ಹೆಣ್ಣನ್ನು ನೋವುಗಳಿಂದ ಪುಟಿದೇಳಿಸಬಲ್ಲ ಗಝಲ್ ಚೆನ್ನಾಗಿದೆ ಮೇಡಂ…
ಧನ್ಯವಾದಗಳು
ಅದ್ಭುತ ಸುಂದರ ಗಜಲ್, ಹೇಮಗಂಗಾ ಮೇಡಂ ರವರದು ಹೆಣ್ಣು ಎಂದು ಅಬಲೆಯಲ್ಲ ಸಬಲೆ ಎನ್ನುವುದನ್ನು ಸೊಗಸಾಗಿ ಗಜಲ್ ಮೂಲಕ ತಿಳಿಸಿದ್ದಾರೆ,, ಕಟ್ಟೆ ಎಂ ಎಸ್ ಕೃಷ್ಣಸ್ವಾಮಿ.