ಗಜಲ್

ಗಜಲ್

ರಾಹುಲ ಮರಳಿ

ಲೇಖನಿ ಹಿಡಿದು ಕುಳಿತರೂ ಒಂದಕ್ಷರ ಬರೆಯಲಾಗುತ್ತಿಲ್ಲ ಜಾನು
ಶಾಯಿಯಿದ್ದರೂ ದಿಗ್ಭ್ರಾಂತನಾಗಿ ಕಾವ್ಯ ರಚಿಸಲಾಗುತ್ತಿಲ್ಲ ಜಾನು

ಕಣ್ಣ ತುಂಬಾ ನಿನ್ನದೇ ಮೈಮಾಟದ ಸುಂದರ ಬಿಂಬ ಆವರಿಸಿಬಿಟ್ಟಿದೆ
ತುಂಟ ನೆನಪುಗಳ ಸುಮಧುರ ಕ್ಷಣಗಳನು ಮರೆಯಲಾಗುತ್ತಿಲ್ಲ ಜಾನು

ನೀಚ ಪಾಪಿಗಳು ಕೊಂದರಲ್ಲ ನಿನ್ನನು ತಮ್ಮ ಕಾಮದ ಹಸಿವಿಗಾಗಿ
ನಿನ್ನ ಪ್ರಿಯತಮನಿಗೆ ಅಸಹಾಯಕತೆಯನು ಸಹಿಸಲಾಗುತ್ತಿಲ್ಲ ಜಾನು

ಪ್ರೇಯಸಿಯ ಪ್ರಾಣ ಹೋದಮೇಲೆ ಏತಕ್ಕಾಗಿ ಬದುಕಲಿ ನಾನಿಲ್ಲಿ
ನನ್ನದೆ ಮೇಲಿರುವವಳನು ಗೋಡೆ ಮೇಲೆ ನೋಡಲಾಗುತ್ತಿಲ್ಲ ಜಾನು

ನೀನಿಲ್ಲದೇ ಪ್ರೇಮಲೋಕದಿ ಜೀವಕವಿ ಜೀವಂತ ಶವವಾದಂತಾಗಿದೆ
ಶತ್ರುಗಳ ಕೊಂದು ಸೇರುವೆ ಧರೆಯೊಡಲ ಬೇಗ ಬಿಟ್ಟಿರಲಾಗುತ್ತಿಲ್ಲ ಜಾನು

******************************