ರೈತ ಗಜಲ್

ದಣಿವರಿಯದೆ ದೇಹ ದಂಡಿಸುವನು ನಮ್ಮ ಧಣಿ
ಮರೆತ ಜಗಕೆಲ್ಲ ಜೀವ ಕೊಡುವವನು ನಮ್ಮ ಧಣಿ

ನೆಲವೇ ಶ್ರೇಷ್ಠವೆನುತ ನೊಸಲಿಗೆ ವಿಭೂತಿ ಧರಿಸುವನು
ಜಲವನು ಅರಿಯದವರಿಗೆಲ್ಲ ತಿಳಿಸಿದವನು ನಮ್ಮ ಧಣಿ

ಬೆನ್ನನು ಬಾಗಿಸಿ ಭುವಿಗೆ ಬಾಗುವ ಭವಿಷ್ಯದ ಭವಿತವನು
ಸ್ವರ್ಗಕ್ಕೂ ಸ್ವಾಭಿಮಾನಿ ಬದುಕು ಕಲಿಸಿದವನು ನಮ್ಮ ಧಣಿ

ದೇಗುಲವೆನುತ ದುಡಿಮೆಗೆ ದೇಹ ದಾರಿ ದೋರಿದವನು
ಕಾಯಕ ಯೋಗಿಯಾಗಿ ತಪವ ಗೈಯುವನು ನಮ್ಮ ಧಣಿ

ನೇಗಿಲ ಹೊತ್ತರೂ ನೋಗದಲಿ ನಾಕವನು ಕಂಡವನು
ತಾಯಿಯ ಮಡಿಲಲ್ಲಿಯೇ ಅನ್ನ ನೀಡಿದವನು ನಮ್ಮ ಧಣಿ

**********************************

ರೇಮಾಸಂ