ಬೀಜವೊಂದನು ಊರಬೇಕು

ಕವಿತೆ

ಬೀಜವೊಂದನು ಊರಬೇಕು

ವಿಜಯಶ್ರೀ ಹಾಲಾಡಿ

ಅಲಕ್ಷ್ಯಕ್ಕೊಳಗಾಗಿರುವ ಮಕ್ಕಳ ಸಾಹಿತ್ಯ

Hands Planting The Seeds Into The Dirt Hands Planting The Seedlings Into The Ground seed  stock pictures, royalty-free photos & images

ಕಣ್ಣೀರಿಗೆ ದಂಡೆ ಕಟ್ಟಿ
ಬೀಜವೊಂದನ್ನು ಊರಬೇಕು
ಬೇರೂರಿ ಮಳೆ ಗಾಳಿ ಬಿಸಿಲಿಗೆ
ಮೈಯ್ಯೊಡ್ಡಿ ಚಿಗುರುವುದ
ಕಾಣುತ್ತ ಮೆಲು ನಗಬೇಕು

ಬಿಕ್ಕುಗಳ ಬದಿಗೊತ್ತಿ
ಹಕ್ಕಿ ನಾಯಿ ಬೆಕ್ಕುಗಳಿಗೆ
ತುತ್ತುಣಿಸಿ ಮುದ್ದಿಸಬೇಕು
ತಿಂದು ತೇಗಿ ಆಕಳಿಸಿ
ನಿದ್ದೆ ತೆಗೆವಾಗ ನೇವರಿಸಿ
ಎದೆಗವಚಿಕೊಳಬೇಕು

ನೋವುಂಡ ಜೀವಗಳ
ಕೈ ಹಿಡಿದು ನಡೆಯಬೇಕು
ಹೆಗಲಿಗೆ ಹೆಗಲಾಗಿ ಕರುಳಾಗಿ
ಮಮತೆ ತೇಯುತ್ತ
ಗಂಧ ಚಂದನವಾಗಬೇಕು

ಕಡು ಇರುಳುಗಳ ತೆರೆದಿಡುವ
ಹಿತ ಬೆಳಗುಗಳ ನೇಯುವ
ಬುವಿಗೆ ಮಂಡಿಯೂರಿ
ಹಸಿರಾಗಿ ತರಗೆಲೆಯಾಗಿ
ಮಣ್ಣಾಗಿ ಕೆಸರಾಗಿ ಕರಗಬೇಕು
ಕೊನೆ ಉಸಿರೆಳೆದ ದೇಹ
ಗೊಬ್ಬರವಾಗಿ ಹೂ ಅರಳಬೇಕು!
*********************************************************

One thought on “ಬೀಜವೊಂದನು ಊರಬೇಕು

Leave a Reply

Back To Top