ಕವಿತೆ
ನೆಲೆ ಕಾಣದ ಗುಬ್ಬಚ್ಚಿ
ರಾಘವೇಂದ್ರ ದೇಶಪಾಂಡೆ
ಬೀಸುತ ಬಂತು ಚಂಡಮಾರುತ ಜೋರಾಗಿ
ಮುರಿದುಹೋಗಿದೆ ಗೂಡು ಪ್ರತಿಕೂಲತೆಯ ಹವಾಮಾನದಲಿ
ಬಿರುಕುಗೊಂಡಿವೆ ಮೊಟ್ಟೆಗಳು ಗಾಳಿ ಸ್ಫೋಟದಲಿ
ಯಾರೊಂದಿಗೆ ಹಂಚಿಕೊಳ್ಳಬಹುದು ಈ ವಿಷಾದವನು
ನೆಲೆ ಎಲ್ಲಿ ಕಾಣಬೇಕು ಈಗ ಗುಬ್ಬಚ್ಚಿ…!
ಮನೆಯೊಳಗೆ ತೆರೆದಿಟ್ಟಿದ್ದೇನೆ ಕಪಾಟನು
ಕೂಗಿ ಕರೆಯುತಿರುವೆ ಅಲೆಮಾರಿ ಗುಬ್ಬಚ್ಚಿಯನು
ಹುಡುಕುತಿದೆ ನೆಲೆಯನು ಚಿಂವ್ ಚಿಂವ್ ಎನ್ನುತಲಿ
ಕರುಳಬಳ್ಳಿಯ ಹುಡುಕತಲಿ ಮೈ ನಡುಕಿನ ಚಳಿಯಲಿ
ವಾಸಿಸಲೊಪ್ಪದು ಮನೆಯೊಳಗೆ ಗುಬ್ಬಚ್ಚಿ…!
ಹೇಗೆ ತರಲಿ ಮನೆಯೊಳಗೆ ಮರಗಳನು
ಸಾಧ್ಯವಾಗುತಿಲ್ಲ ನಿರ್ಮಿಸಲು ಗೂಡನ್ನು
ಹೇಗೆ ಸೇರಿಸುವುದು ಬಿರುಕುಗೊಂಡ ಮೊಟ್ಟೆಗಳನು
ಯಾರೊಂದಿಗೆ ಹಂಚಿಕೊಳ್ಳಲಿ ಸಂಕಟವನು
ವಾಸಿಸುವದೆಲ್ಲಿ ಗುಬ್ಬಚ್ಚಿ…! ನೆಲೆ ಕಾಣುವದೆಂತು?
******************************
