ಕವಿತೆ
ಯಾಕೆ ಬಂದೆ ಸುಮ್ಮನೆ..
ಜಯಶ್ರೀ.ಭ.ಭಂಡಾರಿ.
ನಾನು ನನ್ನ ಕನಸಿಲ್ಲದ ಜೀವನದಲ್ಲಿ
ನನ್ನ ಪಾಡಿಗೆ ಹೆಂಗೋ ಸಾಗಿದ್ದೆ
ಆರಕ್ಕೆರದ ಮೂರಕ್ಕಿಳಿಯದ ಬದುಕ ತೇರು
ಸಂಭ್ರಮ ಸಾಂಗತ್ಯ ನನಗೀಗ ಬೇಜಾರು
ಎಲ್ಲಿಂದಲೋ ನೀ ಬಂದೆ
ನಿನ್ನ ಮೇಲೆ ಒಲವಾಗಿದೆ ಎಂದೆ
ಹೇ ಸಖಿ ಇರಲಾರೆ ನೀನಿಲ್ಲದೆ
ಎನುತ ಬುಟ್ಟಿಗಟ್ಟಲೆ ಸಂದೇಶ ರವಾನಿಸಿದೆ
ಎಂದಿಗೂ ನಿನ್ನ ನೋಡದ ನನಗೆ
ಗೆಳತಿ ಎಂದೆ ಇದ್ಯಾವ ಜನ್ಮದ ಬಂಧ
ಹೀಗೂ ಒಲವು ಅರಳಬಹುದೇ ಸಂದೇಹ
ಹೆಚ್ಚು ಹೆಚ್ಚು ಪ್ರೀತಿಸುತ ಜೊನ್ನಹನಿಯಾದೆ
ಅಪರಿಚಿತ ನಾವು ಅಪರಿಮಿತ ಪ್ರೀತಿ ಸಾಧ್ಯವೇ
ಗೆಳೆಯ ನೀ ಎಂದೆ ಗೆಳತಿಯಲ್ಲ ನಾ ಎಂದೆ
ನೀ ತುಂಬಾ ಒಳ್ಳೆಯವನೇ ಆದರೂ
ಹುಟ್ಟುತ್ತಿಲ್ಲ ನಿನ್ನ ಮೇಲೆ ಅನುರಾಗ
*************************************
