ಲಹರಿ ಸಂಗಾತಿ
ವಾಣಿ ಯಡಹಳ್ಳಿ ಮಠ
“ಹಾಗೆ ಸುಮ್ನೆ,,,,”
ಕೆಲ ದಿನಗಳಿಂದ ಸ್ನೇಹಿತರೊಬ್ಬರೊಂದಿಗೆ ಮಾತಾಡಿರಲಿಲ್ಲ , ವಾಟ್ಸ್ ಆಪ್ ನಲ್ಲಿ ಚಾಟ್ ಕೂಡ ಮಾಡಿರಲಿಲ್ಲ , ಹಬ್ಬಗಳಿಗೆ ವಿಶ್ ಕೂಡ ಎಕ್ಸ್ಚೇಂಜ್ ಆಗಿರಲಿಲ್ಲ.ಇಂದು ಅವರೊಂದಿಗೆ ಮಾತಾಡಿಯೇ ಬಿಡ್ಬೇಕು ಅಂತ ಅನಿಸಿತು.
ಹಾಗೆ ನೋಡಿದರೆ ನನಗೆ ಸ್ನೇಹಿತರು ಸ್ವಲ್ಪ ಕಡಿಮೆಯೇ , ಹೀಗಾಗಿ ಇದ್ದ ಸ್ನೇಹಿತರ ಬಗ್ಗೆಯೇ ತುಸು ಹೆಚ್ಚು ಕನ್ಸರ್ನ್ ಅನ್ಬಹುದು . ನಿರಂತರವಾಗಿ ಅವರ ಸಂಪರ್ಕದಲ್ಲಿ ಇರಲು ಬಯಸುತ್ತೇನೆ ,ಅದಕ್ಕಾಗಿ ನನ್ನ ಕೆಲಸ ಬದಿಗಿಟ್ಟು ಸಮಯ ಕೂಡ ತೆಗೆಯುತ್ತೇನೆ.ಅವರು ಮೆಸೇಜ್ , ಕಾಲ್ ಮಾಡ್ಲಿಲ್ಲ ಅಂದ್ರೆ ನಾನೇ ಮಾಡಿಬಿಡುತ್ತೇನೆ ಸ್ವಲ್ಪ ಔಟ್ ಡೇಟೆಡ್ ಅನಿಸಿದರೂ , ‘ಜಗದೊಂದಿಗೆ ಓಡದ ಜನ’ ಅಂತ ಅನಿಸಿದರೂ ನಾವಿರುವುದು ಹೀಗೆಯೇ .
ಕಾಲ್ ಮಾಡಿ ಮಾತಾಡಲು ಆರಂಭಿಸಿದೆ . ಅವರದು ಐಟಿ ಪ್ರೊಫೆಶನ್ , ದೊಡ್ಡ ನಗರದಲ್ಲಿ ವಾಸವಿರುವುದು ಹೀಗಾಗಿ ಅಲ್ಲಿನ ಜನರು ಎಷ್ಟು ಬ್ಯುಸಿ ಇರ್ತಾರೆ , ಅಲ್ಲಿ ಸಂಬಂಧಗಳು ಅದೆಷ್ಟು ಪೊಳ್ಳು ಇರ್ತಾವೆ ಅಂತ ಹೇಳಿದ್ರು . ಬರೀ ಕೆಲಸದ ನಿಮಿತ್ಯ ಮಾತಾಡುತ್ತಾರಂತೆ,ಅವರೇ ಹೇಳಿದ ಹಾಗೆ ಅವರ ಕೆಲ ಸ್ನೇಹಿತರೊಂದಿಗೆ ಅವರು ಎರಡೆರಡು ವರ್ಷಗಳು ಕಳೆದರೂ ಮಾತಾಡಿಲ್ಲವಂತೆ .ಎಷ್ಟೋ ಸ್ನೇಹಿತರ ನೆನಪು ಸಹ ಬರಲ್ವಂತೆ .ಇಲ್ಲಿ ಲೈಫ್ ಹೀಗೆ ಇರುತ್ತದೆ , ಯಾರಿಗಾಗಿ ಯಾರ ಹತ್ತಿರವೂ ಸಮಯವಿರುವುದಿಲ್ಲ ಬಟ್ ಅಗತ್ಯವಿದ್ದಾಗ ಮಾತಾಡಿ ಒಬ್ಬರಿಗೊಬ್ಬರು ಸಹಾಯ ಮಾಡುತ್ತಾರೆಂದು ಹೇಳಿದರು .ಇದನ್ನು ಅವರು ತುಂಬಾ ಸ್ಪಷ್ಟವಾಗಿ ಎಳೆ ಎಳೆಯಾಗಿ ತೆರೆದಿಡುತ್ತಾ ಹೋದರು , ನಾ ಕೇಳುತ್ತ ಹೋದೆ.ಮನೆ ಮಕ್ಕಳ ಬಗ್ಗೆ ವಿಚಾರಿಸಿ ಮಾತು ಮುಗಿಸಿದೆ ಬಟ್ ,,,,
ಈ ಸಂಭಾಷಣೆಯು ನನಗೆ ಸ್ವಲ್ಪ ತಲೆ ಕೆಡಿಸಿಕೊಳ್ಳುವಂತೆ ಮಾಡಿತು. ಜನರು ಅಲ್ಲಿ ಅಷ್ಟೊಂದು ಪ್ರಾಕ್ಟಿಕಲ್ ಹೇಗಿದ್ದಾರೆ ? ಲೈಫ್ ನಲ್ಲಿ ಅಷ್ಟು ಪ್ರಾಕ್ಟಿಕಲ್ ಇರುವ ನೆಸೆಸಿಟಿ ಇದೆಯಾ ? ಎಷ್ಟೊಂದು ಮೆಕ್ಯಾನಿಕಲ್ ಲೈಫ್ ಲೀಡ್ ಮಾಡ್ತಾರೆ ಅಂತ ಅನಿಸಿದ್ದೂ ಎಷ್ಟು ನಿಜವೋ ಅಷ್ಟೇಯೇ ನಾ ಭಾವನಾ ಜೀವಿಯಾಗಿ ಹಿಂದೆ ಉಳಿದುಬಿಟ್ಟೆನೇನೋ ಅಂತೆಂದುಕೊಂಡದ್ದೂ ಕೂಡ ಅಷ್ಟೇ ನಿಜ .
ಇಸ್ ಲೈಫ್ ಅ ರೇಸ್? /ಜೀವನ ಒಂದು ಓಟವೇ ? ಹಾಗಿದ್ದರೇ ಭಾವನೆಗಳಿಗೆ ಈ ಜಗದಲ್ಲಿ ಜಾಗವಿಲ್ಲವೇ ?, ಉತ್ತಮ ಸಂಬಂಧಗಳು , ಸ್ನೇಹಿತರು ಟೈಮ್ ಸಿಕ್ಕಾಗ ಅಥವಾ ಅವಶ್ಯಕತೆ ಇದ್ದಾಗ ಅಷ್ಟೇ ನೆನಪಾಗಬೇಕೇ ? ಹಣ ಗಳಿಸುವ ಭರದಲ್ಲಿ ಎಲ್ಲರನ್ನೂ ,ಎಲ್ಲವನ್ನೂ ಹಿಂದಿಕ್ಕಿ ನಡೆಯುತಿದ್ದಾನೆ ಮನುಷ್ಯ, ಬಹುಶ ಬ್ರಾಂಡೆಡ್ ಬದುಕಿನ ಬಯಕೆಯಲ್ಲಿ ಬದುಕಿಗಾಗಿ ಬದುಕುವುದು ಮರೆಯುತಿದ್ದಾನೆ ಮನುಷ್ಯ ಅಂತೆನಿಸಿತು …
——————
ವಾಣಿ ಯಡಹಳ್ಳಿಮಠ
About The Author
ಚೆನ್ನಾಗಿ ಬರೆದಿರುವಿರಿ