ಕಾವ್ಯ ಸಂಗಾತಿ
ಶಾರು ಹುಬ್ಬಳ್ಳಿ ಅವರ ಗಜಲ್
ಬೇಸರವಾದರು ಬದಲಾಗದ ಹಾದಿ ಈ ಜೀವನ
ಶೃತಿಯಿದ್ದರೂ ಹಾಡಲಾಗದ ಹಾದಿ ಈ ಜೀವನ
ಮುರಿದ ಕನಸುಗಳೆ ನಕ್ಷತ್ರಗಳು ಅಂಬರದಲಿ
ನೋವೇ ನದಿಯಾದರು ಅಳಲಾಗದ ಹಾದಿ ಈ ಜೀವನ
ಸುಟ್ಟರು ಬಿಡದು ಪತಂಗ ದೀಪದ ನೇಹ
ತೊಳಲಿದರು ತೊರೆಯಲಾಗದ ಹಾದಿ ಈ ಜೀವನ
ತೊರೆಯು ನದಿಯಾಗಿ ಸಾಗರವ ಸೇರಿದೆ
ಜೀವನ್ಮರಣ ತಪ್ಪಿಸಲಾಗದ ಹಾದಿ ಈ ಜೀವನ
ಜೀವನುತ್ಸಾಹದಲಿ ಮಿಂದಿಹುದು ಹಸುರು ಭಾವ
ತನ್ನತನದಲಿ ಶಾರು ಬದಲಾಗದ ಹಾದಿ ಈ ಜೀವನ
ಶಾರು ಹುಬ್ಬಳ್ಳಿ
About The Author
ಚೆನ್ನಾಗಿದೆ ಮೇಡಮ್
ಧನ್ಯವಾದಗಳು….
ತುಂಬಾ ಸೊಗಸಾಗಿದೆ
ಧನ್ಯವಾದಗಳು….
ಜೀವನ ಹೇಗಿದ್ದರೂ ಒಪ್ಪಿ ಅಪ್ಪಿಕೊಳ್ಳುವ ಪರಿ ಕಲ್ಪನೆ ಚೆನ್ನಾಗಿದೆ ಮೇಡಂ.
ಧನ್ಯವಾದಗಳು….