ವ್ಯಾಸ ಜೋಶಿ ಅವರ ತನಗಗಳು - ಸಾರ್ಥಕ ಬದುಕಿಗೆ ಸಾಹಿತ್ಯ ಸಂಗಾತಿ

ಕಾವ್ಯ ಸಂಗಾತಿ

ವ್ಯಾಸ ಜೋಶಿ

ತನಗಗಳು

ತುಂತುರು ಮಳೆಯಲಿ
ಮಿಂಚಂತೆ ಬಂದವಳು,
ಸಿಡಿಲಿಗಪ್ಪುಗೆಯು
ತೊಯ್ದರೂ ಮೈ ಬಿಸಿಯು.

ಕಿರಣದಿ ತುಂತುರು
ಮೂಡಿ ಕಾಮನಬಿಲ್ಲು,
ಉಲ್ಲಾಸದ ನೋಟವು
ಪ್ರೇಯಸಿಯ ಕಣ್ಣಲ್ಲು.

ಮೋಡಗಳ ಯುದ್ಧದಿ
ಖಡ್- ಖಡಾ ಸಿಡಿಲು
ಪ್ರೇಯಸಿಯ ಅಪ್ಪನ
ಧ್ವನಿಯಂದು ದಿಗಿಲು.

ಎಷ್ಟು ಮಳೆ ಆದರೂ
ಹದವಾಯ್ತು ಭುವಿಗೆ,
ಕೂರಿಗೆಯ ತಯಾರಿ
ಬೀಜ ಬಿಡಲು ಇಳೆಗೆ.

ಕೆರೆಯ ಒಡಲಲ್ಲಿ
ಹೊಸಮನೆ ಕಟ್ಟಿದೆ
ಮಳೆರಾಯ ತಾ ಬಂದ
ಈ ಜಾಗ ತನದೆಂದ.

ದೊಡ್ಡ ಕೆರೆಯ ಮುಚ್ಚಿ
ಬಡಾವಣೆ ಕಟ್ಟಿಸೆ,
ತನ್ನ ಜಾಗ ಮೇಘನು
ಆಕ್ರಮಿಸಿ ಬಿಟ್ಟನು.

ವ್ಯಾಸ ಜೋಶಿ