ಕಾವ್ಯ ಸಂಗಾತಿ
ವಸಂತ್ ಹುಳ್ಳೇರ
ಈ ದಿನ
ಈ ದಿನ ಕಳೆದು ಹೋಗಿದೆ
ಹುಡುಕಿ ಕೊಡುವಿರಾ…?
ಯಾರಾದರೂ…..
ಈ ದಿನ ಗಳಿಸಿದ್ದು ಇಲ್ಲ
ಉಳಿಸಿದ್ದು ಇಲ್ಲ,
ಸಾಧಿಸಿದ್ದು ಇಲ್ಲ, ಆದರೂ
ಈ ದಿನ ಕಳೆದು ಹೋಗಿದೆ ||
ಕೆಲವರ ನಗುವಿನಲ್ಲಿ
ಹಲವರ ಅಳುವಿನಲ್ಲಿ
ಮತ್ತಲವರ ನರಳಾಟದಲ್ಲಿ
ಈ ದಿನ ಕಳೆದು ಹೋಗಿದೆ ||
ಮುಚ್ಚಿಟ್ಟರೂ..ಬಚ್ಚಿಟ್ಟರೂ
ಈ ದಿನ ಕಳೆದು ಹೋಗಿದೆ
ಕೂಡಿಟ್ಟ ಹೊನ್ನೆಷ್ಟೋ….?
ಹಂಚಿ ತಿಂದ ಅನ್ನವೆಷ್ಟೋ..?
ಆದರೂ ಈ ದಿನ ಕಳೆದು ಹೋಗಿದೆ ||
ಎಳೆಯಗೆಳೆಯರೆಲ್ಲರ ಆಟ
ಮಾಗಿ ಮುಗಿಯುವ ಮುನ್ನವೇ
ಈ ದಿನ ಕಳೆದು ಹೋಗಿದೆ ||
ಮಬ್ಬು ಹರಿಯುವ ಮುನ್ನ
ಆನು-ತಾನು ಅನ್ನುವುದರಲ್ಲೆ
ಈ ದಿನ ಕಳೆದು ಹೋಗಿದೆ ||
ಭವದ ಬವಣೆಯನು
ಕಳಚುವ ಮುನ್ನ
ಈ ದಿನ ಕಳೆದು ಹೋಗಿದೆ ||
ರಕ್ಕಸರ ನೆತ್ತರು ಭುವಿಯ ಗರ್ಭದಲಿ
ಹರಿಯುವ ಮೊದಲೇ.. ಈ
ದಿನ ಕಳೆದು ಹೋಗಿದೆ ||
ವಸಂತ್ ಹುಳ್ಳೇರ
About The Author
ಆ ನಮ್ಮ ಸ್ನೇಹದ ದಿನಗಳು ಕಳೆದು ಹೋಗಿವೆ ಹುಡುಕಿಕೊಡಿವಿರ.