ಕಾವ್ಯ ಸಂಗಾತಿ
ಪ್ರಭಾವತಿ ಎಸ್ ದೇಸಾಯಿ
ಕಾಫಿಯಾನ ಗಜಲ್ ೧( ಮಾತ್ರೆಗಳು ೨೬)
ಅರಮನೆಯ ಸಿಂಹಾಸನದ ರಾಣಿಯ ಸ್ಥಾನ ಪಡೆಯಲಿಲ್ಲ
ಅನುರಾಗದಿ ಕಳೆದ ಸುಂದರ ದಿನಗಳ ನೆನಪು ಮರೆಯಲಿಲ್ಲ
ನಿತ್ಯ ರವಿಯ ಕುಲುಮೆಯಲಿ ಬೆಂದ ತನು ಹರಿಸಿತು ಬೆವರಿನ ನದಿ
ಬಾಳ ಬೇಗೆ ಕಳೆಯಲು ಬೆಳದಿಂಗಳ ಇರುಳಲಿ ಅಲೆಯಲಿಲ್ಲ
ಬೆಸೆದ ಭಾವಗಳ ಎದೆಯಲಿ ಅರಳಿದವು ಚಂದದ ಕನಸುಗಳು
ಒಂದಾದ ಈ ಮನಗಳಿಗೆ ಅಧರ ಮುತ್ತುಗಳು ದೊರೆಯಲಿಲ್ಲ
ಲೋಕದ ತುಂಬ ಹಾರುತಿವೆ ಬಣ್ಣದ ಬಾವುಟಗಳು ರೋಷದಿ
ಜಗವು ನಮ್ಮ ನಿರ್ಮಲ ಪ್ರೀತಿಯ ಆಳವನು ಅಳೆಯಲಿಲ್ಲ
ಬೆಳಕಿಲ್ಲದ ಹಾದಿಯಲಿ ಕುಲಕುತ ಸಾಗಿದೆ ಜೀವನ ಬಂಡಿ
ಚಂದ್ರ”ಪ್ರಭೆ”ಯ ನಿಸ್ವಾರ್ಥ ಕಾಂತಿಯಲಿ ಬದುಕು ಹೊಳೆಯಲಿಲ್ಲ
ಪ್ರಭಾವತಿ ಎಸ್ ದೇಸಾಯಿ
About The Author
