ಕಾವ್ಯ ಸಂಗಾತಿ
ಹಮೀದಾಬೇಗಂ ದೇಸಾಯಿ
ಕನಸಿನ ಬೀಜ.
ಬಿತ್ತಿರುವೆ
ನನ್ನ ಕನಸಿನ
ಬೀಜವೊಂದನು
ಹದ ಮಾಡಿದ ನನ್ನೆದೆಯಲ್ಲಿ
ನಂಬುಗೆಯ ಜಲವೂಡಿ ;
ಇನ್ನೂ ಮೊಳೆತಿಲ್ಲ…ಅದೇಕೋ..
ಜವುಗು ತುಂಬಿಹುದೇ
ಅವಿಶ್ವಾಸ ಕಲೆತು..?ಒಣಗಿಹುದೇ ಎದೆಯ ನೆಲವು
ಒರಟು ಭಾವ ಬೆರೆತು..?
ಮುರುಟಿಗೊಂಡಿಹುದು
ಬಿತ್ತಿದ ಬೀಜ ಬಾಡಿ..
ಇರಲಿ ಬಿಡು..
ಭರವಸೆಯ ಎರಡು
ಹನಿಯುದುರಿದಾಗ
ಹಸಿಯಾದ ಎದೆಯಲಿ
ಬಾಡಿದ ಬೀಜ ಮೊಳೆತು
ಚಿಗುರೀತು ತಲೆ ಎತ್ತಿ…ಅಲ್ಲವೇ..
ಹಮೀದಾಬೇಗಂ ದೇಸಾಯಿ
About The Author
