ಡಾ .ಶಶಿಕಾಂತ ಪಟ್ಟಣ-ವಿಶ್ವ ಪುರುಷ ದಿನ - ಸಾರ್ಥಕ ಬದುಕಿಗೆ ಸಾಹಿತ್ಯ ಸಂಗಾತಿ

ಕಾವ್ಯ ಸಂಗಾತಿ

ಡಾ .ಶಶಿಕಾಂತ ಪಟ್ಟಣ

ವಿಶ್ವ ಪುರುಷ ದಿನ

ಗೆಳೆಯರೇ
ಇಂದು ವಿಶ್ವ ಪುರುಷ ದಿನ
ಮುಂಜಾನೆ ಕೆಲಸದವಳು
ಕೈ ಕೊಟ್ಟಳು .
ನನ್ನವಳ ಮುನಿಸು .
ಎಂದಿನಂತೆ ಕಸಬರಿಗೆ ಹಿಡಿದೆ.
ಮಗುವಿನ ಬಟ್ಟೆ ಇಸ್ತ್ರಿ ಮಾಡಿದೆ.
ಮನೆಯೊಡತಿ ಮಾರ್ಕೆಟಿಗೆ
ಮನೆಯಲ್ಲಿ ಗೃಹ ಕೆಲಸ .
ಹಾಲು ಕಾಯಿಸುವುದು.
ಬಿಲ್ಲ ಕಟ್ಟುವುದು
ಟೀ ಕುದಿಸುವುದು.
ಅಯ್ಯೋ ಗ್ಯಾಸಿನ ತೊಂದರೆ.
ಗಾಡಿಯಲ್ಲಿ ಸಿಲಿಂಡರ್ ತಂದೆ .
ಪೋಸ್ಟ್ ಕೊರಿಯರ್
ಬಿದ್ದಿವೆ ಬಾಕ್ಸ್ ತುಂಬಾ
ಎತ್ತಿ ತಂದೆ.
ಸಂಜೆ ನಲ್ಲಿಯಲ್ಲಿ ನೀರಿಲ್ಲ .
ಕೊಳಾಯಿ ಖಾಲಿ .
ಮತ್ತೆ ಹೊತ್ತೆ ಕೊಡ ಬಕೀಟು.
ದಿನಸಿ ಅಂಗಡಿ ಗಿರಣಿ ಕೆಲಸ
ಬಾನಿನಲಿ ಚುಕ್ಕಿ ಮೂಡಿದವು .
ಟಿವಿಯಲಿ ವಿಶ್ವ ಪುರುಷ ದಿನ ಚರ್ಚೆ.
ಮನೆಯೊಡತಿಗೆ ನೆನಪಾಯಿತು.
ಏನ್ರೀ ಇಂದು ವಿಶ್ವ ಪುರುಷ ದಿನ ?
ಅಭಿನಂದನೆ ಎಂದಳು
ನಗಲಿಲ್ಲ ನಾನು.
ಒಳಗೊಳಗೇ ಹೆಮ್ಮೆ .