ಕಾವ್ಯ ಸಂಗಾತಿ
ಸುಕುಮಾರ ಅವರ
ಗಜಲ್
ನವಿರಾದ ಮನಸಿನ್ನಿಂದ ಸವಿಯಾದ ಮಾತು ಹೊರಳಲಿ ಎಲ್ಲರ ಹಿತಕೆ
ಹಗುರಾದ ಮನವು ಸ್ನೇಹದ ಸೇತು ನಿರ್ಮಿಸಲಿ ಎಲ್ಲರ ಹಿತಕೆ
ನಿರ್ವಿಕಾರ ಆಗದಿರಲಿ ಬದುಕು ಮಮಕಾರದ ಆಗರವಾಗಲಿ ಎಂದು ಎಂದೆಂದಿಗು
ಸಹಕಾರ ಸಮನ್ವಯ ಸಾಧನೆಯ ಸಿರಿಯು ಭರಿಸಲಿ ಎಲ್ಲರ ಹಿತಕೆ
ಜಯಕೆ ಅಪಜಯದ ನೆರಳು ಕಾಡಲು ಬಿಡದಿರಿ ಜೊತೆಗಿರಲಿ ಆತ್ಮವಿಶ್ವಾಸ
ಅಜೇಯರಾಗಿ ಉಳಿದು ಅಜಾತಶತ್ರುವಿನ ಧ್ಯೇಯ ಉಳಿಯಲಿ ಎಲ್ಲರ ಹಿತಕೆ
ಜೀವನ ಜಟಕಾಬಂಡಿ ನೀವೇ ಹಾಗಿರಿ ಅದರ ಸಾಹೇಬ ಕೊನೆತನಕ
ಪಾವನ ಬಾಳ್ವೆಗೆ ಬಿತ್ತಿದ ಬೀಜ ಅಂಕುರಿಸಲಿ ಎಲ್ಲರ ಹಿತಕೆ
ಮಾತಿನಲೇ ಮಿತ್ರತ್ವ ನುಡಿಯಲ್ಲೇ ಅಡಗಿದೆ ಶತ್ರುತ್ವ ಮತಿಗೆ ಸಾಣೆಯಿಡಿಯಬೇಕು
ಮೌನಿಯಾಗು ಕುಮಾರ ಗೌಣ ನಭವೂ ಉಲಿಯಲಿ ಎಲ್ಲರ ಹಿತಕೆ
ಸುಕುಮಾರ
About The Author
ನಿಮ್ಮ ನವಿರಾದ ಭಾವನೆ ಗೆ ನನ್ನ ನಮನಗಳು