ಕಾವ್ಯ ಸಂಗಾತಿ
ಡಾ ಅನ್ನಪೂರ್ಣ ಹಿರೇಮಠ
ನೀ ಬಂಧುವಾಗಿ
ನೀ ಮರೆಯದ ಬಂಧುವಾಗಿ
ನನ್ನ ಕಣ್ಣ ಬಿಂಬವಾಗಿ
ಉಳಿದುಬಿಡು ಎಂದೆಂದೂ
ನನ್ನ ಪ್ರಿಯ ಗೆಳೆಯನಾಗಿ
ಬಾಳ ಜೋತೆಗಾರನಾಗಿ
ಪಯಣದಲೊಂದಾಗಿ//
ಮಾಸದ ಬೆಳಕಾಗಿ
ನಿದಿರೆಯ ಹೊನಲಾಗಿ
ನೈದಿಲೆ ಬೆಳಕಾಗಿ
ಇದ್ದು ಬಿಡು ಎದೆ ದಡ
ಒಡೆದು ದಾಟದಂತೆ
ಹೃದಯದೊಳಗೆ//
ಹೂವ ಸೌಗಂಧವಾಗಿ
ಜೇನ ಮಕರಂದವಾಗಿ
ಗಾಳಿ ಗಂಧದಲಿ ಇದ್ದು ಬಿಡು
ಕಾನನದ ಸುಮವಾಗಿ
ಮಾನಸದ ದೊರೆಯಾಗಿ
ನಿಂತು ಬಿಡು ಮನದಂಗಳದಿ//
ತುಟಿಯಂಚ ಸುಧೆಯಲಿ
ಕಣ್ಣಂಚ ಮಿಂಚಲಿ
ಉಳಿದುಬಿಡು ನಿಧಿಯಾಗಿ
ಭಾವ ಬಿತ್ತಿಯಲಿ
ಜೀವದುಸಿರಿನಲಿ
ಇದ್ದುಬಿಡು ಉಸಿರಾಗಿ//
ರಂಗೋಲಿಯ ಚುಕ್ಕಿಯಲಿ
ಗಗನದಾ ತಾರೆಯಲಿ
ಚಂದಿರನಾಗಿರು, ತಂಪಾಗಿ
ಛಲ ಬಲದ ಸೆಲೆಯಾಗಿ
ನಗುವಿನ ಹೊನಲಾಗಿ
ಇದ್ದು ಬಿಡು ಗರಿಕೆಯಂತೆ//
ಕಂಗೊಳಿಪ ಗರಿಯಂತೆ
ಮೋಹಕ ಝರಿಯಂತೆ
ನಲಿವ ನೀಡುತಿರು ನಿತ್ಯ
ಚಪ್ಪರದ ತಳಿರಾಗಿ
ಹಂದರದ ಹಸಿರಾಗಿ
ನಿಶೆಯ ಮದಿರೆಯಾಗಿರು ನನ್ನೊಳಗೆ//
ಡಾ ಅನ್ನಪೂರ್ಣ ಹಿರೇಮಠ
About The Author
