ಕಾವ್ಯ ಸಂಗಾತಿ
ಜಶೀಲಾ, ಕೋಟೆ
ಒಲವಿನಹನಿಬನಿಗಳು…
ಒಲವಿನ ಹನಿಬನಿಗಳು……
ಆಷಾಢ ಕಳೆದು ಶ್ರಾವಣ ಬಂತು
ಇನ್ನೆಲ್ಲಾ ಅವನೊಲವಿನ
ಮಾಸದ್ದೇ ದರ್ಬಾರು !
ಸಾಕುಸಾಕೆನಿಸಿ ಬಸವಳಿದಾಗಲೆಲ್ಲ
ಅವನು ಒಲುಮೆಯ ಹಣತೆ ಹಚ್ಚಿ
ಬದುಕ ಬೆಳಗಿಸಿದ
ಜಗತ್ತು ದೂರಿ ದೂರ ಮಾಡಿದಾಗ
ಬದುಕಲು ಪ್ರೇರೇಪಣೆ ನೀಡಿದ್ದು
ಅವನ ಒಲವು
ಒಲವಿನೊಂದು
ಸಣ್ಣ ಕಿಡಿಸೋಕಿದಾಗಲೇ
ನನ್ನೆಲ್ಲ ಬವಣೆ ತೀರಿದ್ದು!
ಜಗತ್ತಿಗೆ ತಿಳಿದಿರುವುದು
ಕಾಮನಬಿಲ್ಲಿನಲ್ಲಿನಲ್ಲಿರುವ
ಏಳೇಬಣ್ಣಗಳು
ಅವನ ಸ್ಪರ್ಶಕೆ ನನ್ನ ಕೆನ್ನೆ
ರಂಗೇರಿದಾಗಲೇ ಅರಿತೆ
ಒಲುಮೆಯಲ್ಲಿರುವ ನಾನಾ ಬಣ್ಣಗಳು
ಮಜಲುಗಳು ಹಲವು ಸಾಹಿತ್ಯದಲಿ
ಕ್ಷಮಿಸಿ,ಒಲವೊಂದೇ
ನನ್ನವನ ಪ್ರೀತಿ ಪದಲಾಲಿತ್ಯದಲಿ
ಜಶೀಲಾ, ಕೋಟೆ
About The Author
Nice lines..✨
ಲವಲವಿಕೆಯ ತಾಜಾ ಹನಿಗಳು, ಅಭಿನಂದನೆಗಳು ತಮಗೆ.
Tq sr ji