ಸಾರ್ಥಕ ಬದುಕಿಗೆ ಸಾಹಿತ್ಯ ಸಂಗಾತಿ
ನಿಮ್ಮ ಲೇಖನಗಳನ್ನು ಇ-ಮೇಲ್ ಅಥವಾ ವಾಟ್ಸಪ್ ಮುಖಾಂತರ ನಮ್ಮ ಸಂಗತಿ ವೆಬ್ಸೈಟ್ ಕಳಿಸಬಹುದು ವಾಟ್ಸಪ್‌ :- 7019100351, ಇಮೇಲ್ :- sangaatipatrike@gmail.com

ನೀನು ನೀನಾಗು ಮಗಳೇ..

ಮಂಜುಳಾ ಪ್ರಸಾದ್ ದಾವಣಗೆರೆ

ಒಳಮನೆಯ ಕೋಣೆಯಲಿ ನೋವೆಲ್ಲಾ ಮೈಹೊದ್ದು ನಲುಗಿ ಮರುಗುವ ಹೆಣ್ಣು ನೀನಾಗಬೇಡ ಮಗಳೇ..
ನೀನಾಗಬೇಡ ಕತ್ತಲೆ ಕೋಣೆಯ ಬಂಧಿ..
ಕೆಚ್ಚೆದೆಯ ಗಂಡುಗಲಿ ಬಿಚ್ಚು ಮಾತಿನ ಜಾಣೆ,
ಜಗವ ಕಾಯುವ ಹೆಣ್ಣು ನೀನಾಗು ಮಗಳೇ..
ಜಗದಗಲ ಬೆಳಕು ಬೀರುವ ಕಿರಣ ನೀನಾಗು..

ಅವರಂತೆ ಇವರಂತೆ ಅವರಿವರಿಗೆ ಹೊರೆಯಾಗುವಂತೆ
ಕಾಲ ಕಸವಾಗಿ ಕಣ್ಣೀರಿಡುವಂತೆ ನೀನಾಗಬೇಡ ಮಗಳೇ, ನೀನಾಗಬೇಡ ಮರದ ಜೊತೆಗಿನ ಬಳ್ಳಿಯಂತೆ…
ಮರವೇ ನೀನಾಗು ಸರ್ವರಿಗೂ ನೆರಳಾಗು,
ಫಲ ನೀಡಿ ಸಲಹುವ ಮಾತೆಯಾಗು ಮಗಳೇ..
ಸರ್ವರುಸಿರಲಿ ನಿನ್ನ ಹೆಸರು ಹಸುರಾಗುವಂತಾಗು..

ದೌರ್ಜನ್ಯಕೆ ನಲುಗುವ ಅಪಹಾಸ್ಯಕೆ ಬೆದರುವ,
ಸೋತು ಬದುಕು ಮುಗಿಸುವ ಹೆಣ್ಣು ನೀನಾಗಬೇಡ ಮಗಳೇ,
ನೀನಾಗಬೇಡ ಭಯದಿ ಬದುಕ ಸವೆಸುವ ಹೇಡಿ.,
ದುಷ್ಟಶಕ್ತಿಯ ದಮನಿಸುವ, ನೂರು ಕಷ್ಟಗಳ ಮೆಟ್ಟಿ ನಿಲ್ಲುವ ಶಿಷ್ಟ ಶಕ್ತಿ ನೀನಾಗು ಮಗಳೇ,ಜಗದ ಶಕ್ತಿ ನೀನಾಗು..

ಹತ್ತೂರ ಧ್ವನಿಯಾಗು, ಸುತ್ತಲಿಗೆ ಕಿವಿಯಾಗು
ನಿನ್ನ ಕಾವಲು ನೀನಾಗು,ಮನೆಗೆ ಮಲ್ಲಿಗೆಯ ಸುವಾಸನೆಯಾಗು,
ಮನದ ತಂಪಿಗೆ ಹೊಳೆವ ಇಬ್ಬನಿಯಾಗು,
ಮಾತಾಗು ಮುತ್ತಾಗು, ಬೆಳೆವ ಜ್ಞಾನಿಯಾಗು,
ಹೊಳೆವ ಕಿರಣವಾಗು, ಎಲ್ಲರ ಮನದ ಚೇತೋಹಾರಿಯಾಗು.

ಕಣ್ಣೀರ ಕಡಲಾಗದೇ ಪನ್ನೀರ ಸಿರಿಯಾಗು,
ಕತ್ತಲ ನೆರಳಾಗದೇ ಹೆತ್ತೊಡಲ ಹಾಡಾಗು,
ಒಡೆದ ಕಲ್ಲಾಗದೇ ಕಡೆದ ಶಿಲ್ಪವಾಗು,
ಸತ್ಯವಿಲ್ಲದ ಮಿಥ್ಯವಾಗದೇ ಸತ್ಯವೇ ನೀನಾಗು
ನೀನು ನಿನ್ನಂತಾಗು,ಜಗವ ಬೆಳಗು ಓ ಮಗಳೇ ನೀ ಜಗವ ಬೆಳಗು…

ಮಂಜುಳಾ ಪ್ರಸಾದ್ ದಾವಣಗೆರೆ

About The Author

admin

See author's posts

34 thoughts on “ಮಹಿಳಾ ದಿನದ ವಿಶೇಷ”

  2. Rajashekarappa GS

    ಮಹಿಳಾ ದಿನಾಚರಣೆಯ ವಿಶೇಷ ಉತ್ತಮವಾಗಿದೆ.

    Reply

Leave a Reply

Related Posts

ಕಾವ್ಯಯಾನ

ಕಾವ್ಯಯಾನ

ಲೆಕ್ಕ ಇಡುವುದನ್ನು  ನಿಲ್ಲಿಸಿದ್ದೇನೆ ಚಂದ್ರಪ್ರಭ.ಬಿ ಅದೊಂದು ದಿನ ಅಪ್ಪ ನನ್ನ ಅವಸರಿಸಿ ಬರ…

ಕಾವ್ಯಯಾನ

ಕಾವ್ಯಯಾನ

ಹೂ ಕವಿತೆಗಳು. ರಂಗಮ್ಮ ಹೊದೇಕಲ್ ಗಂಧವಾಗಲು ಬೇರು ಎಷ್ಟು ನೋಯಬೇಕೋ.. ಘಮ ವಾಗಲು…

ಮಕ್ಕಳ ವಿಭಾಗ

ಮಕ್ಕಳ ವಿಭಾಗ

ಕೆಂಚಬೆಕ್ಕಿಗೆ ಏನಾಯ್ತು? ವಿಜಯಶ್ರೀ ಹಾಲಾಡಿ ಕೆಂಚಬೆಕ್ಕಿಗೆ ಏನಾಯ್ತು ಬಾಲವು ಪೂರಾ ಮಣ್ಣಾಯ್ತು ಗಡಗಡ…

ಮುಖವಾಡ

ಮುಖವಾಡ

ದಾಕ್ಷಾಯಣಿ ನಾಗರಾಜ್ ಮತ್ತೆ ಮುಸ್ಸಂಜೆಯಲಿ ಮುಸುಕಿನ ಗುದ್ದಾಟ ಆಗಷ್ಟೇ ಮುದ್ದೆಯಾದ ಹಾಸಿಗೆಯಲಿ ನಲುಗಿದ…

You cannot copy content of this page

Scroll to Top