ಜುಲ್ ಕಾಫಿಯಾ ಗಜಲ್
ಶಶಿಕಾಂತೆ
ಅವಳ ಕಾಣೋಮೊದಲೇ ಮನಸಲೇ ಆರಾಧಿಸಿ ನೀ ತಪ್ಪುಮಾಡಿದೆ ಮಿತ್ರ
ಹೃದಯದಲಿ ಅವಳೊಪ್ಪಿಗೆಯಿಲ್ಲದೆಲೇ ದೇವಿಯಾಗಿಸಿ ನೀ ತಪ್ಪುಮಾಡಿದೆ ಮಿತ್ರ
ಪ್ರೇಮ ಉದಯಿಸಲು ಕಾರಣ ಅವಳ ಅಪ್ರತಿಮ ಚೆಲುವು ಇರಬಹುದು
ಕಣ್ಣುಗಳಲಿ ನಿನಗರಿವಾಗದೆಲೇ ಬಿಂಬವಾಗಿಸಿ ನೀ ತಪ್ಪುಮಾಡಿದೆ ಮಿತ್ರ
ಕನಸಲೆಲ್ಲಾ ಅವಳೇ ತುಂಬಿಕೊಂಡರೆ ಅದು ಕಾಮವಲ್ಲದೆ ಇನ್ನೇನು
ಅವಳಿಗಾಗಿ ಹಗಲಿರುಳು ಏಕಾಂತದಲೇ ಧ್ಯಾನಿಸಿ ನೀ ತಪ್ಪುಮಾಡಿದೆ ಮಿತ್ರ
ಕಾಮನೆಯ ಕಡಲಿನ ಭೋರ್ಗರೆತ ನಿಲ್ಲಿಸಲಾಗದು ಎಂಬುದೇನೋ ಸರಿ
ಒಂಟಿಯಾಗಿ ಮನವ ಭಾವದಲೆಯಲೇ ತೇಲಾಡಿಸಿ ನೀ ತಪ್ಪುಮಾಡಿದೆ ಮಿತ್ರ
ಶಶಿಯ ತಂಬೆಲರು ಸುಖನೀಡದು ತನುವಿಗೆ ಕಾವಿನ ಬಯಕೆಯಾದಾಗ
ಸ್ವಪ್ನದಲ್ಲೂ ದೇಹವನು ಮೋಹದಲೇ ಉರುಳಾಡಿಸಿ ನೀ ತಪ್ಪುಮಾಡಿದೆ ಮಿತ್ರ
*************
About The Author
