ಕವಿತೆ
ನಾನೆಂದರೆ…
ಮೀನಾಕ್ಷಿ ಸೂಡಿ
ನಾನೆಂದರೆ
ನನ್ನೊಳಗಿನ ಕಪ್ಪು ಬಿಳುಪಿನ ಚಿತ್ರ
ಧುತ್ತನೆ ಕಣ್ಣೆದುರಿಗೆ
ಭಾವನೆಗಳ ತಾಕಲಾಟದಲ್ಲಿ
ಉತ್ತರ ಸಿಗದೆ ನಿರುತ್ತರಿ
ನನ್ನದು ಎಂಬ ಮಮಕಾರ
ಮನಸ ತುಂಬಾ ಪ್ರೀತಿ ಚಿತ್ತಾರ
ಸಾಧನೆ ಸಾಧಕಿ ಅಲ್ಲವೇ ಅಲ್ಲ
ಆದರೂ
ಎಲ್ಲರಂತಲ್ಲ ನಾನು ಅಗೋಚರ
ನನ್ನ ಉಸಿರಿಗೂ ಒಂದು ಹೆಸರಿದೆ
ಪ್ರೀತಿ ಆಗಸದಲ್ಲಿ ಮಿನುಗುವ ಎಳಸು ನಕ್ಷತ್ರ
ಬದುಕ ಪುಟ ತಿರುವಿದಷ್ಟೂ ಖುಷಿಗಳ ಹಾವಳಿ
ಕಷ್ಟ ಸುಖಗಳ ಕ್ಯಾಲೆಂಡರ್ ಲ್ಲಿ
ದಿಟ್ಟ ನಿರ್ಧಾರ ಗಳ ಪ್ರಭಾವಳಿ
ಬೆಳಕಿಲ್ಲದ ಹಾದಿಯಲ್ಲಿಯೂ ನಡೆಯುವ ಧೈರ್ಯ
ಭ್ರಮೆ ಅಲ್ಲ,ದಿಟ್ಟತೆ ; ಸ್ಪಷ್ಟತೆ,ಸನ್ನಡತೆ
ಗೊಂದಲಗಳ ಗೂಡು ಒಮ್ಮೊಮ್ಮೆ
ಭಾವನೆಗಳ ಪರಿಧಿಯಲ್ಲಿ
ಮತ್ತೊಮ್ಮೆ ಗೆದ್ದು ಬೀಗುತ್ತೇನೆ, ಭೌದ್ಧಿಕತೆಯ ಪ್ರಶಾಂತತೆಯಲಿ
ಬದುಕಿಗೆ ವಿಷ ಉಣಿಸಿದವರ ಎದಿರು
ಎಚ್ಚರದಿಂದ ಎದ್ದು ನಿಂತದ್ದು ನೆನಪಿದೆ
ನಾನು ನಾನಲ್ಲ
ನನ್ನಂತೆ ಪರರು ಎಂದಾಕಿ
ಬದುಕ ರಂಗಾಯಣದಲಿ ಎಲ್ಲ ಪಾತ್ರಗಳಿಗೂ ಸೈ ಅನಿಸಿಕೊಂಡಾಕಿ
ನಾ…
ನೀರಿನಂತೆ ಶುಭ್ರ ಪರಿಶುಭ್ರ
………..
About The Author
