"ಮಾರಿಯ ಗಾಣ" - ಸಾರ್ಥಕ ಬದುಕಿಗೆ ಸಾಹಿತ್ಯ ಸಂಗಾತಿ

ಕಾವ್ಯಯಾನ

“ಮಾರಿಯ ಗಾಣ”

ಹೇಮಚಂದ್ರ ದಾಳಗೌಡನಹಳ್ಳಿ

ಕಾಣದ ಮಾರಿಯ ಮಾದರಿ
ಗಾಣವ ತಿರುಹಿದೆ
ಕಾಳು ಮಾನವನ ಹೆಣಸಿಪ್ಪೆಯ ಒಗೆದಿದೆ
ಪ್ರಾಣ ಎಣ್ಣೆಯನೊಯ್ಯುತಾ
ಅದರದೇ ನರ್ತನ ಥೈಯ್ಯತಾ
ಸಿಲುಕುತ ನಲುಗುತ
ಪಯಣವ ಮುಗಿಸುತ
ಹೊರಟಿದೆ ಯಾತ್ರೆ ಮಸಣವೆ ಪಾತ್ರೆ
ಕಾಲದ ತಾಳಕೆ
ಮಾರಿಯ ನರ್ತನ
ಮಾನವ ರೋದನ
ಯಾರನು ಕೊಲ್ಲದ
ರಾವಣ ಹತ್ಯಕೆ
ಬಂದನು ಅವತಾರಿ
ಸೀತೆಯ ಮೋಹವ ತೂರಿ…
ಜನಕೇಡಿಗನಲ್ಲದ
ಕೌರವ ಹತ್ಯಕೆ
ಅವತರಿಸಿದನವತಾರಿ
ನೆಲದಾಶೆಯ ತೂರಿ…
ಅವರಿವರೆನ್ನದೆ
ಒಳ್ ಕೆಡುಕೆನ್ನದೆ
ಒಣ ಚಿಗರೆನ್ನದೆ
ಸುಟ್ಟುರುಹುತಿದೆ ಮಾರಿ
ಕಾಣನು ಅವತಾರಿ..
ಮಾರಿಯ ಗಾಣವೆ ಅವನೋ
ಅವನದೆ ರೂಪದ ವೈದ್ಯನೋ
ಅವನಿಗು ಮೀರಿದ ಕಣವೋ
ನಿಯಮವ ಮೀರಿದ ಗುಣವೋ
ತಿರುತಿರುಗಿದೆ ಗಾಣ
ನಿಯಮವ ಮೀರದೆ ಮುರಿಯುವ ಗಾಣ ಮಾರಿಯ ಗಾಣ
ಇರುವಲ್ಲಿರುವ…ಇರುವಂತಿರುವ