ಕವಿತೆ
ಕೊರೆವ ನಡುಕವಂತೆ!
ಸುವಿಧಾ ಹಡಿನಬಾಳ
ಅವನ್ಯಾವನೊ ತಲೆಕಟ್ಟ ಸ್ವಾಮಿಯಂತೆ
ಸ್ವಯಂ ಘೋಷಿತ ದೇವ ಮಾನವನಂತೆ
ಬಿತ್ತಿದ ಇವರ ತಲೆಯಲಿ ಮೌಢ್ಯದ ಕಂತೆ
ಕಲಿಯುಗದ ಅಂತ್ಯವಂತೆ ಸತ್ಯ ಯುಗದ ಆರಂಭವಂತೆ
ಅದಕೆ ಮಾಡಬೇಕು ಮಕ್ಕಳ ಬಲಿದಾನವಂತೆ
ಮುಠ್ಠಾಳ ತಾಯಿಯಿಂದಲೇ ಕುಡಿಗಳ ಕಗ್ಗೊಲೆಯಂತೆ
ಇದಕೆ ತಂದೆಯ ಮೌನ ಸಾಥ್ ಅಂತೆ
ಹೆಣಗಳ ಬಾಯಲಿ ಕಲಶ ಹೂಡಿದ್ದರಂತೆ!!
ಮರುದಿನ ಮಕ್ಕಳ ಮರುಹುಟ್ಟಿಗೆ ಕಾದರಂತೆ
ಮರಣೋತ್ತರ ಪರೀಕ್ಷೆಗೆ ಪ್ರತಿರೋಧವಂತೆ
ಆ ತಾಯಿ ಬೇರೆ ಗೋಲ್ಡ್ ಮೆಡಲಿಸ್ಟಂತೆ!!!
ಮಕ್ಕಳೂ ಡಿಗ್ರಿ ಮೆಟ್ಡಿಲೇರಿದ್ದವಂತೆ
ಪಕ್ಕಾ ಇವರೆಲ್ಲರ ತಲೆಯೆಂಬುದು ಅಜ್ಞಾನದ ಬೊಂತೆ
ಎತ್ತ ಸಾಗುತ್ತಿದೆ ವಿದ್ಯೆ ವಿಜ್ಞಾನ ಎಂಬ ಚಿಂತೆ
ಕೇಳಿದವರ ಎದೆಯಲಿ ಕೊರೆವ ನಡುಕವಂತೆ!!
***************
About The Author
supper waw
Nice
Super.chennagide
Thanks dear all
ಒಂದೆಡೆ ಮುಗ್ಗರಿಸುವ ಆಧುನಿಕತೆ ,ವೈಜ್ಞಾನಿಕತೆ ;ಮತ್ತೆ ಕೆಲವಡೆ ಇನ್ನೂ ಅನಾಗರಿಕತೆ….
ವಾಸ್ತವವ ,ಅಣಕಿಸಿ ಬಣ್ಣಿಸಿದೆ ಬರವಣಿಗೆ ..