ಕ್ಷಮಿಸು ಪ್ಲೀಸ್.. - ಸಾರ್ಥಕ ಬದುಕಿಗೆ ಸಾಹಿತ್ಯ ಸಂಗಾತಿ

ಕವಿತೆ

ಕ್ಷಮಿಸು ಪ್ಲೀಸ್..

ಮಧುಸೂದನ ಮದ್ದೂರು.

silhouette photography of man illustration

ನೋವಿನಾಳದ ಕಿಸರು ಗಾಯಕೆ ನಿನ್ನ
ನೆನಪುಗಳ
ನೊಣಗಳ ದಾಳಿ
ಝೇಂಕಾರ
ಒಳಗೊಳಗೇ
ಯಾತನೆ ವೇದನೆ

ಒಬ್ಬನೇ ಇದ್ದೇನೆ
ಹಾಯಿಯಲಿ
ಸುತ್ತಲೂ ಅಳುವಿನ
ಉಪ್ಪುಪ್ಪು ಕಡಲು
ನನ್ನುಳುವಿನ ಉಪ್ಪು ಜಾರಿ
ಕಡಲು ಹೆಪ್ಪುಗಟ್ಟುತ್ತಿದೆ..
ಮುಳುಗಬೇಕೆನ್ನುವ ಹಡಗು ಮುಳುಗುತ್ತಿಲ್ಲ
ದೂರದೆಲ್ಲೆಲ್ಲೋ
ಮಿಣುಕು
ಹುಳುದಂತಹ ಬೆಳಕು
ಕಣ್ಣಿಗಾನಿಸುತ್ತಿದ್ದಂತೆ
ನೀನೆನಾದರೂ
ಅದೇ ಹಸಿರು ನೆರಿಗೆ ಲಂಗ ತೊಟ್ಟು ಬಂದೆಯಾ
ಎಂಬ ಹುಂಬತನದ ನಿರೀಕ್ಷೆ
ಸಾಯಲು ಬಿಡುತ್ತಿಲ್ಲ
ಬದುಕಲು ಬಿಡುತ್ತಿಲ್ಲ
ಪ್ರೀತಿ ಅಂದರೆ ಹೀಗೇನಾ..
ಗೊತ್ತಾಗುತ್ತಿಲ್ಲ
ಕ್ಷಮಿಸು ಪ್ಲೀಸ್..