ಸುನೀತ ಕಾವ್ಯ
ಜೀವನ ಪಯಣ (ಸುನೀತ ಕಾವ್ಯ)
ಸುನೀತ (ಐದು ಮಾತ್ರೆಯ ನಾಲ್ಕು ಗಣಗಳ ಹದಿನಾಲ್ಕು ಸಾಲುಗಳು)
ಶುಭಲಕ್ಷ್ಮಿ ಆರ್ ನಾಯಕ
ಸಾಗುತಿದೆ ಅನವರತ ಜೀವನ ರಥದ ಪಯಣ
ಹಲವು ಮಧುರ ವಸಂತಗಳ ಹರೆಯವನು ದಾಟಿ
ಕಾಲ ಗುರುವ ವೀಣೆಯ ತಂತಿಯ ಸದಾ ಮೀಟಿ
ಸದ್ದುಗದ್ದಲದಿ ಮಾಡದೇ ಸಮಯದ ಹರಣ
ಏಳು ಬೀಳುಗಳನು ಸಮ ದೂಗಿಸುವ ತಾಳ್ಮೆಯು
ಬದುಕಿನ ಸತ್ಯವನು ಅರಿತು ಅರುಹುವ ಛಲದಲ್ಲಿ
ಸಾಗಿದೆ ಪಯಣವು ಗುರಿ ಸೇರೋ ತವಕದಲ್ಲಿ
ಪಯಣದಲಿ ಬೇಕೆಮಗೆ ಎಂದಿಗೂ ಭರವಸೆಯು
ಬಂದ ಸೋಲು ಗೆಲುವುಗಳ ಅನುನಯದಿ ಸವಿಯುತ
ಮಾರ್ಗದ ಎಡರು ತೊಡರುಗಳ ಸಂಯಮದಿ ಸಹಿಸಿ
ಆವರಿಪ ಹಮ್ಮು ಬಿಮ್ಮುಗಳ ವಿನಯದಿ ಅಳಿಸಿ
ಹೊಂದಿಕೆ ಪ್ರೇಮ ಭಾವದ ಅರಿವಲಿ ಬೆರೆಯುತ
ಜೀವನ ಪಥದೊಳು ಛಲ ವಿಶ್ವಾಸದಿ ನಡೆಯುವ
ನೋವುಗಳ ಮರೆಯುತ್ತ ನೆಮ್ಮದಿಯನು ಪಡೆಯುವ
**********************************************
About The Author
ನಮಸ್ಕಾರ,
ನನ್ನ ರಚನೆಯ ಸುನೀತ ಕಾವ್ಯವನ್ನು ಪ್ರಕಟಿಸಿ ಪ್ರೋತ್ಸಾಹಿಸಿದ *ಸಂಗಾತಿ* ಇ ಪತ್ರಿಕೆಯ ಸಂಪಾದಕ ಮಂಡಳಿಗೆ ಹೃತ್ಪೂರ್ವಕ ಧನ್ಯವಾದಗಳು.
ತುಂಬಾ ಚೆನ್ನಾಗಿ ಬರೆದಿದ್ದೀರಿ ಮೇಡಂ ,ಒಳ್ಳೆಯದಾಗಲಿ
Mam ಚೆನ್ನಾಗಿದೆ .ಶುಭವಾಗಲಿ
ಸುಂದರ ಕಾವ್ಯ ರಚನೆ ಮೇಡಂ…. ಜೀವನದ ಪಥದ ನಡೆಗೊಂದು ನಮನಗಳು..
ನೈಸ್……
ಬಹಳ ಸೊಗಸಾಗಿ ವರ್ಣಿಸಿದ್ದೀರಿ…ಹೀಗೆ ಮುಂದುವರಿಯಲಿ ನಿಮ್ಮ ಸಾಹಿತ್ಯದ ಪಯಣ…. ಎಂಬ ಶುಭನುಡಿಯೊಂದಿಗೆ..