ಅತೀತ - ಸಾರ್ಥಕ ಬದುಕಿಗೆ ಸಾಹಿತ್ಯ ಸಂಗಾತಿ

ಕವಿತೆ

ಅತೀತ

ಪವಿತ್ರಾ

ಕಾಯುತಿಹರಲವರಲ್ಲಿ
ನಿನ್ನಾಗಮಕೆ…
ಇಹದ ಜಂಜಡದ ಜಾತ್ರೆಯ
ಜಯಿಸದಲವರು
ಕೆಲವರದು ಪಲಾಯನ
ಪರದ ಸುಖವನರಸಿ.

ಸೋಲಿನಲು ಗೆಲುವು
ಗೆಲುವಿನಲಿ ನಗೆ ಬುಗ್ಗೆ
ಎನಮೀರಿಪರೆ ಶಾಂತಿ ನೆಮ್ಮದಿಯಲಿ
ಕೇಕೆ ಕಿಲಕಿಲ ಕೇಳರಿತ ನಗುವ ಮೊಗ
ಸೊಗದ ಸೋಗೆಯಲೆ ಹಲವರ
ಹೊಟ್ಟೆಗೆ ಕಿಚ್ಚಿಡುವ ಕಾಯಕವು
ಸಾಗುತಲಿ ಬೀಗುತಲಿ

ಬಿಡದೆ ಎಲ್ಲರನೂ ತನ್ನಾಲಿಂಗನದ
ತೆಕ್ಕೆಯೊಳು ಆಹುತಿಗೈವ ವಿಧಿಕೂಟ
ಮಾಟ ತಪ್ಪಿಪರೆ ಅವರು
ಇವರಿಂದು ನಾಳೆ ಅವರು
ಎಲ್ಲರದೊಂದೊಂದು ನಿಗಧಿ ದಿನ
ದಿನಪನಿಗೆ ಭೇದವಿರದೆ ಬಿಡುವಿರದೆ
ನಡೆದುದೇ ಹಾದಿ.