ಕವಿತೆ
ಪ್ರೇಮಶೇಖರ
ಕವಿತೆಯೆಂದರೆ ಏನು?
ಏನಲ್ಲ?
ಕವಿತೆಯೆಂದರೆ ಕತ್ತಲೆ
ಬೆಳಕಿನಾಟ
ದ ಜೀವನರಂಗ
ಮಂಚ.
ಕವಿತೆಯೆಂದರೆ ಸಮುದ್ರ
ತೀರ
ದ ಸತ್ತ ಮೀನು
ಅರಳಿಸುವ ಮಲ್ಲಿಗೆ
ಸುವಾಸನೆ,
ಕವಿತೆಯೆಂದರೆ ಹೆಣ್ಣು
ನಾಗರ
ಇಟ್ಟ ನೂರೊಂದು ಮೊಟ್ಟೆ
ಗಳೊಡೆದು ಬಂದ
ನವಿಲುಗರಿಗಳು.
ಕವಿತೆಯೆಂದರೆ ಪ್ರೇಯಸಿ
ಕೊಟ್ಟ ಮುತ್ತು
ಒಡೆದುಹೋಗಿ
ಧಾರಾವಾಹಿಯಾದ ನಿರೀಕ್ಷೆ.
ಕವಿತೆಯೆಂದರೆ ಬೀಸಣಿಗೆ
ಯ ಬಣ್ಣದ ರೆಕ್ಕೆ
ಯ ಗಿಣಿಮರಿ
ಗೆ ಮಾತು ಕಲಿಸಹೊರಟ
ಮಗು.
ಕವಿತೆಯೆಂದರೆ ನಾಳೆ
ಹಾರಿ ಹೋಗುತ್ತದೆ
ಎಂದು ಗೊತ್ತಿದ್ದರೂ ಇಂದು
ಗುಟುಕು ನೀಡುವ
ತಾಯಿಹಕ್ಕಿ.
ಕವಿತೆಯೆಂದರೆ ಅಕ್ಷತಯೋನಿ
ಒಂಬತ್ತು ಹೆತ್ತು ಮೂಲೆಯಲ್ಲಿ
ಕೂತ ಅಡುಗೂಲಜ್ಜಿ
ಕತೆ.
ಕವಿತೆಯೆಂದರೆ ತಾಯಿ
ಹುಲ್ಲೆಯನು ಕೊಂದು
ತಿಂದು
ಎಳೆಹುಲ್ಲೆಗೆ ತಾಯಿ
ಯಾಗಿ ಹಾಲೂಡಿಸಿದ ಹೆಣ್ಣು
ಹುಲಿ.
ಕವಿತೆಯೆಂದರೆ
ಕೊನೆಗೂ ಏನುಂಟು?
ಏನಿಲ್ಲ?
ಅಹ್ ಕವಿತೆಯೇ ಅಂತಿಮ
ವಾಗಿ ನೀನೇ ಎಲ್ಲ,
ನಾನೆಲ್ಲೂ ಇಲ್ಲ.
**********************
About The Author
ನಿಜ ಕವಿತೆಯೆಂದರೆ ಇದು….ಅಧ್ಬುತ ಸಾಲುಗಳು
ಧನ್ಯವಾದಗಳು ಮ್ಯಾಮ್
ಸುಂದರ ಚಿತ್ರಗಳು
ಧನ್ಯವಾದಗಳು ಸರ್
ಕವಿತೆ ಎಂದರೆ ಏನುಂಟು ಏನಿಲ್ಲ ವಾವ್ಹ್
ಸರ್
ತಮಗೆ ಧನ್ಯವಾದಗಳು
ಆಹಾ…ಬಹಳ ಸೊಗಸಾಗಿದೆ ಸರ್..ಕವಿತೆ ಅಂದರೆ ಏನು? ಏನಲ್ಲ ? ಎಂಬುದರಿಂದ ಹಿಡಿದು ಎಲ್ಲ ಉಪಮೆಗಳಲ್ಲಿ ಹೊರಬಂದು , ಕೊನೆಯಲ್ಲಿ ನೀನೇ ಎಲ್ಲಾ… ಅದ್ಭುತ ಸಾಲುಗಳು
ಧನ್ಯವಾದಗಳು
ಕೊನೆಯ ಸಾಲು ಮೊದಲಿನ ಎಲ್ಲ ಸಾಲುಗಳನು ನಿವಾಳಿಸಿ ಒಗೆದಂತಿದೆ
ಅತಿ ಸುಂದರ
ಧನ್ಯವಾದಗಳು ಮ್ಯಾಮ್
ಕವಿತೆ..ಏನಲ್ಲ..ಸುಂದರ..
ಧನ್ಯವಾದಗಳು ಮ್ಯಾಮ್
ಎಳೆ ಹುಲ್ಲೆಗೆ ಹಾಲುಣಿಸಿದ ಹೆಣ್ಣು ಹುಲಿ…… ವಾವ್ ಸರ್…. ನೀವು ಅದ್ಭುತ….
ಧನ್ಯವಾದಗಳು ವಿದ್ಯಾಶ್ರೀ
ಉತ್ತಮಮ್