ಮಳೆಯಾಗುತಿದೆ,
ಭಾರವಾದ
ಮೋಡದ ಮನಸು
ಹಗುರಾಗುವುದು
ಹೀಗೆ ತಾನೇ,
ಒಡಲು ತುಂಬಿದ
ರಾಶಿ ಹನಿಗಳನೆಲ್ಲ
ಹೊರ ಚೆಲ್ಲಿ
ಹಗುರಾಗುವ ಮೊದಲು
ಭಾರವಾಗಲೇ ಬೇಕು,
ಮನ ಕಟ್ಟಬೇಕು
ದಟ್ಟೈಸಬೇಕು
ತೀವ್ರತೆಯ ದಾಟಿ
ಒಮ್ಮೆಗೆ ಸ್ಪೋಟಗೊಳ್ಳಬೇಕು,
ಹನಿಯೊಸರಿದರೆ ತಾನೇ
ಚಿಗುರ ಕನಸು,
ಹನಿಯಬೇಕು
ಹನಿದು
ಹಗುರಾಗುವ ಮುನ್ನ
ಮೋಡ ಕಟ್ಟಬೇಕು
ಭಾರವಾಗಬೇಕು,
ಮಳೆಯಾಗಿ ಇಳೆಗಿಳಿದು
ಹಗುರಾಗುತಲೆ
ಹಸಿರ ಕನಸಿಗೆ
ಜೀವ ತುಂಬಬೇಕು,
ಭುವಿಗಿಳಿದ ಗುರುತಿಗೆ
ಸಹಿಯ ಒತ್ತಬೇಕು…
************
ಅರ್ಪಣಾ ಮೂರ್ತಿ
About The Author
Nice madam
Super ma’am
ತುಂಬಾ ಅದ್ಭುತವಾಗಿದೆ, ಪದಗಳ ಗುಚ್ಛ….
ಒಳ್ಳೆಯದಾಗಲಿ ಅರ್ಪಣಾ… ಹೀಗೆ ಮುಂದುವರಿಯಲಿ ನಿಮ್ಮ ಪದಗಳ ಹೂಗುಚ್ಛ….
ಅರ್ಪಣಾ…
ಭಾರವಾಗಿರೋ ಜೀವ ಹನಿಗಳ ಪರದೆಯನ್ನ
ನಿನ್ನ ಪ್ರೀತಿಯ ಲೇಖನಿಯಿಂದ ಇರಿದು
ಅದರ ಭಾರವನ್ನೂ ಇಳಿಸಿ, ವಸುಂಧರೆಗೂ
ಹಸಿರು ಸೀರೆಯುಡುಗೊರೆ ನೀಡಿದ್ದೀಯ ಮಾ..
ಇಷ್ಟವಾಯಿತು