ಕಾವ್ಯಯಾನ - ಸಾರ್ಥಕ ಬದುಕಿಗೆ ಸಾಹಿತ್ಯ ಸಂಗಾತಿ

ಕಣ್ಣೀರು

ಜಗದೀಶ್ ಬನವಾಸಿ

ಕಣ್ಣೀರು ಬರುವಷ್ಟು ಬರಲಿ
ಎದೆಯ ನೋವು ತೊಳೆದು
ನೆನಪುಗಳ ಪುಟ ಓದ್ದೆಯಾಗುವಂತೆ
ಮತ್ತೆಂದು ಅವು ತಿರುಗಿ ಬಾರದಂತೆ

ಅಳು ಬರುವಷ್ಟು ಅತ್ತು ಬಿಡು
ನೆನಪುಗಳು ನೇಪಥ್ಯಕ್ಕೆ ಮರಳಿ
ಮರೆಯಾದ ಕನಸೊಂದು ರೆಕ್ಕೆಬಿಚ್ಚದಂತೆ
ಮತ್ತೆಂದು ಅವು ತಿರುಗಿ ಬಾರದಂತೆ

ಅಳುವ ಹರಿವಿಗೆ ತಡೆಯಾಗುವ
ಗೊಡ್ಡು ನೆಪಗಳ ಒಡ್ಡದಿರು
ಒಡೆದ ಕಟ್ಟೆ ಬರಿದಾಗಲಿ ಬಿಡು
ಮತ್ತೆಂದು ಅವು ತಿರುಗಿ ಬಾರದಂತೆ.

*******

Related Posts