ಬೋಧಿ ಭಾವ
ರೇಮಾಸಂ
ಕರವ ಕೊಡವಿ ಕುಳಿತ ಮನಕೆ
ಹಸಿರು ಹಾಸುವ ತವಕದಲಿ
ಮುಗಿಲಿಗೆ ನೋಟವ ಚೆಲ್ಲಿ
ಕೆಚ್ಚನು ತೋರಿದಿ ನೀನಲ್ಲಿ //
ಬೊಗಸೆ ಬೆಳಕು ಹಿಡಿದು
ಕಲ್ಲ ಮುಳ್ಳ ಬೇಲಿಯ ಹಾರಿ
ಭರವಸೆಯ ಬಂಡೆ ಹೊದ್ದು
ಸಂದಿನಲಿ ಬಿತ್ತು ಬೀಜ ಹಾರಿ//
ವಜ್ರದೇಹಿ ಕಲ್ಲೆದೆಯ ಸೀಳಿ
ಮೆದು ಮೇಣವಾಗಿಸಿ ಅರಳಿ
ಪ್ರಯತ್ನಿಸಿದೆ ಮರಳಿ ಮರಳಿ
ನೋಡುವಂತಾದೆಲ್ಲ ಹೊರಳಿ//
ಬುದ್ಧನ ಬೋಧಿ ಭಾವವಾಗಿ
ತಪವ ಗೈಯುತ ಮರೆಯಲಿ
ಸರಿದಾರಿ ದೋರಿದೆ ಸರೀಕರಿಗೆ
ಗೆಲುವಿದೆ ಛಲದ ಬಲದಲಿ//
***********
About The Author
ಅಧ್ಬುತ…ಸಾಧಿಸುವ ಛಲ ಎದೆಯಲಿ ಗಟ್ಟಿಯಾಗಬೇಕು…ಸುಂದರವಾಗಿದೆ ಕವನ…